Popular Bible Verses from 2 Timothy 2

Share

Taakunginaghhaagneng qepghaa Kiyaghneghmun itagnaqesqelluten. Qepghaghtengu kayngukingigalnguq qepghaqamineng. Elqughaghllukullu apeghtuusaqigu Kiyaghneghem ungipaghpigaa.

Iqitngaluten sameng seghleghmeng anglinghhat atuqsugaqegkangitneng. Quunpeng atuqaqigu elqughutngalleq. Ataasiighmelluten, piniqingaluten, nekeggmellutenllu. Tamaakut atuqiki, maligulluten tuqlughilghiinun Ataneghmun qamaken pelungilngughmeng ilumeggneng.

Atanghem qepghaghtenga aaghtiiraaghtengunghituq. Itupill nangllegtaghyaghqaaguq tamanganun. Pinilghiinguyaghqaaguq apeghtughista. Nuqenneghtuyaghqaaguq.

Ataasiighmenneghilkumta, ellnga ataasiighmetaquq qayughllak taaqnaanghituq ataasiighmenneghmeng.

Atanghem qepghaghtenga kavyugisaghqaaguq apeghtughikumi kipullginaalghiinun. Walluumllu Kiyaghneghem avuteghqestaqliki ugpeqesqelluku ipapilleq.

Iqitngaluten temngitwhaneng, sameng pisiinghilngughneng aleghquutelleghneng. Tawatelnguut aleghquutellghet uyavaataghaghlleqiit yuget Kiyaghneghmeng.