Popular Bible Verses from 2 Corinthians 9

Share

Kiyaghneghem tuunyaqlegwiisi aklukegkaghpesineng qaayghulluku. Enkaam iiwleng sameng alngunak pilwaaqellequsi, siipngaanllu kayusiitesqelluki ilasi.

Tamaghhaghpesi sumeghtaghaatkiteggu tuunilleghqaghtutalesi. Ighlegumaghpesi tuunigpenasi nalighmeng tuuniyaghqaategpesineng. Iwernga quyakusiqluku tuuniiqitek qayughllak Kiyaghneghem piniqii tawatelnguut tuunistet.

Neqamikluku una, yuuk palaghhaghmeng piitutmeng piitesighaqumi, palaghhaan saghnallequq. Yuuk uglaghluku piitutmeng piitesighaqumi, uglaghluku saghnallequq.

Kiyaghneghuuq tuunikayuk piitutmeng piitesighaghtemun, neqmengllu neghyaghqameng. Tuunelleqaa qamaglluku piitun aklukegkaghsi, nagusleqiillu. Enkaangam unataghllagllequsi qayughllak ighlegilnguusi. Sakun tamaghhaakun aklungighisleqiisi, naranꞌngunaan tuunisqellusi salleghmi tamaghhaani. Enkaam tuunilleghpesigun whangkutgun uglalghiim iqamsiqayugvikelleqaat Kiyaghneq.

Yeqay iqamsiqayugvikelteggu Kiyaghneq tunusaanun akuzitet apeghpagningilkangat.