Popular Bible Verses from 2 Corinthians 4

Share

Sumeghtaghaatkumanginiigataput seghleliilleput. Itupill sumeghtaghaatkaqaput esghaghpagningilkeput. Qantaghaqun seghleliilleput kenletghuullequt, iwernga quyalleghput esghiigalkefut quunpekaghqaaguq.

Enkaam iilqayugigatukut. Qaywa yugusiput kayaalikestaghyaghngaata, taghneghaput nutaghtengnguut aghhutanga tamaghhaan. Seghleliilleput sasqughhaagut muluyaghqaanghitut. Iwernga tamaakut yataaghqutngwiinkut allgeghtesqelluku Kiyaghneghmeng kenlengilnguq quyalleghllak. Enkaam seghleliilleput avangilngughestun ayuqut.

Seghleliillengaqukut allaaghhiinatun iwernga kayaalqigatiinkut. Ilangakun kukragyullengaqukut iwernga sighimallghiisigatukut. Amyuqetaatkellengaqukut, iwernga Kiyaghneghem unisigatiinkut; aqnighqwaallengaqukut, iwernga tuqungigatukut.

Iwernga whangkunnun Kiyaghneghem kanaghtekaqaa taana nighuk kuukgutesqelluku ilumnni. Whangkuta qikustun qantaghqastun ayuqukut, enkaam tamangan liigikelleqaat aghtughyaghqaanghiteghllak Kiyaghneghtaaniluku, whangkunneng pingunghinniluku.

Ellngita ugpeqigataat ungipaghput qayughllak Tughneghaam, uum nunam kiyaghneghan, ayaastekaqii umyugiit. Esghanghitestaqaa nighuga Pinilghiim Ungipam nighughqellghaneng Christ‑am ayuqelghii. Christ‑a Kiyaghneghtun ayuquq.

Kiyaghneghuuq whaten pikaq, “Yeqay nighuk kuukgulli mamlelleghmeng!” Ellnganguuq ataasiq Kiyaghneq kuukgutestilghii nighugmeng ilumnnun. Taaggun nighugkun liitaghput nighughqellgha Kiyaghneghem, kuukgullghii Jesus Christ‑am gginaaneng.