Popular Bible Verses from 1 Timothy 6

Share

Pilluwaatigu ugpeqilleq qayughllak tawaten pilluwalleq pinilghiinguuq. Tugugullu kenlengilnguq unguvalleq. Kiyaghneghem tagsiqaqaaten tugukliisqelluku taana unguvalleq aapghaqngavgu ugpeqillghen ugpeqalghutnun.

Manimeng piniqilleq akuqaa qamaglluni seghleghem. Ilangita yuget pegtaqaat ugpeqilleghteng qayughllak manitughqaaghllagyulghiit. Enkaam ellmeggneng qivghughllagughtaqut.

Iwernga allgeghuteghllagllequkut kiyaghtekumta Kiyaghneghem kiyaghtesqesullghatun itagnaqluku pitutalvut.

Allgeghaqngamta nunamun kelqutngitukut, tuqukumtallu kelqutelgunaanghitukut.

Qukaayugtesnanighqi tamaakut aklungilnguut nunami whani, talwa sighimasnanighqi aklungingitgun nalluneqnalghiitgun. Iwernga sighimasqiki Kiyaghneghqun. Ellngan ighlegutegpenaamta tuunaqiinkut sameng tamaghhaaneng pinighyuugusighqameng.

Iwernga tamaakut aklungighiyulghiit nanghiiqullengaqut. Seghleghem piyukellghita tugwaaqii enkaam temngitwhaghllagughtaqut. Taagken piyukellghita sayugaqii naafqelleghmun.

Aklungilnguut pinitun pisqiki, aklungitesqiki pinitun qepghalleghqun, ighlellngunaki tuuniyukestaghluki ilangitnun yugnun. Tawaten pikumeng kagpaglleqaat aklungi ellmeggnun. Taana aklungi ayugilnguuguq tunemaq aagnakaghqiitnilnguq. Enkaam unguvallengellequt unguvallepigmeng.