Popular Bible Verses from 1 Timothy 1

Share

Sameng pilleghqaqa ipanguuq enkaam qamaglluni ugpeqsaghqaaguq, “Christ Jesus tagikaaguq nunamun yugulinaluki seghleghqestet.” Whanga seghlelleghpigaagunga seghleghqesteneng.

Naqamllu Kiyaghneghem nangllegyagutkaqaanga. Enkaam usputaagunga naten tagkaan Christ Jesus‑em utaqiilleghqaaneng seghleghqesteneng ugpeqesqelluni. Taana usputaq tamaakunun ayuquq ugpeqiyaghqanun ellnganeng unguvallengesqelluki kenlengilngughmeng.

Qeleluugutkaqa ugpeqat piniqutepiigesqelluki, umyugaqeglluki, ipapigmeng ugpeqillelguluki.

Umiilegmun kenlengilngughmun, tuqupagningilngughmun, aliinneghilngughmun, ellnginaa Kiyaghneghuuq; ellnga quulvallenglillu usuqellenglillu quunperugllak kenlengunaan! Amen.

Liisimakaput Liilightuusat ulimaaghunghitut pinilghiinun yugnun. Ulimaaghuut liilightuusaneng naafqiikayugnun, qaatkusigalngughnunllu. Ulimaaghuut Kiyaghneghyugigalngughnun, seghleghqestenunllu. Ulimaaghuut waakigalngughnun Kiyaghneghmeng, legasiighwaatkilghiinunllu agleghnalghiinun. Ulimaaghuut tuqutikayugnun atameggneng nalighmeng naameggneng, yugtaghtenunllu. Ulimaaghuut sex‑kun seghleghqestenun, yugnun yulgutmeggneng atuqikayugnun, yugnun akikikayugnun yugmeng qepghaghtelaaghuluki, iqlengiqestenun, iqlengalghiinun liisimakistenun, kipullginaalghiinunllu Kiyaghneghem apeghtuusiitnun ipapighqengngalghiinun.