Popular Bible Verses from 1 Peter 3

Share

Iwernga ilugpesigun manigughaqiteggu Christ‑a Atanghuluku. Kitum alngunak aaptekangisi sighimalleghmeng ilugpesinilngughmeng quunpeng liigiknatun kiimsighyaqleggiinaawaqiteki. Iwernga kiimsighaqiteki qusevegllelighlusi, siivakillelighlusi. Seghleghqenghilkufsi umyugasi seghleghninaanghitut. Enkaam yuget seghlequuqangisi pinitun kiyaghtelleghpesineng Christ‑akun, kaynguyugllequt tawaten akuzilleghmeggneng.

qayughllak Atanghem esghapawii elqughutngalghiit, nagataqiillu yughallghit. Iwernga Atanghem tengvimun ayuqii seghletun pilghiit.”

Nuyaqegsallghem, ullngaqellghem gold‑meng, aarrallghem pinighnaghsiigatii ilusi. Itupill pinighnaghtek ilugpesigun qusevegllelighlusi, nekeggmellelighlusillu. Tawatelnguq pinighnalleq quunpekaghqaaguq, megnunaghllagtuq Kiyaghneghmun.

Akuzitet Igaqegkat pillghistun, “Kina alngunak quyangalghiimeng unguvallelguyukumi, quyamalghiinengllu aghnelguyukumi, seghletun akuzineghmeng taaqli, iqlengiqnanighlillu. Seghletun pinanighluni, pinitun pili. Nekeggmennaqlunillu kiyaghlli

Taaqnighnaqanka sameng pillghenka whaten: qamagllusi ataasistun sumeghnelgutek, aqniqututek, piniqutek anglegutkullghiistun, nangllekututek, qusevgututek. Yuget seghletun pikangisi akitegpenaki seghletun, nalighmeng seghlequuqangisi akitegpenaki seghlequughmeng. Itupill akiteki quyastelleghmeng, qayughllak Kiyaghneghem nakmikegkaqiisi tawaten pisqellusi elpesinun allgeghtesqelluku quyastilleni.

Kitumngam aqnighlleqisi sagiqngukufsi pinitun pilleghmun?

Seghletun pinanighluni, pinitun pili. Nekeggmennaqlunillu kiyaghlli

Iwernga Kiyaghneghem piyukelqengngukagu ikfiqesqellusi pinitun pilleghmun, taana itagnaghataghaghtuq ikfiqelleghqaghpesineng seghletun pilleghmun.