Popular Bible Verses from 1 John 2

Share

Piniqegpenaan nuna talwa sangwaa alngunak nunam pinga. Kitum alngunak piniqegkumigu nuna, piniqellghituq Atamun. Ukut esgha qamaglluki nunam pingi: sangwaa yugusim piyukellgha seghleghqusiqaqelghii, iyem qiliightestellgha, sangwaatlu yuget qukaayugutkaqegkangit nunami whani. Taakut Atameng pingunghitut, nunameng pinguut.

Nuna aviighutnguuq, tamaakutlu seghleghqusiiwaqelghiit yugem piyukaqegkangi; iwernga kitum atuqegkumigu Kiyaghneghem piyukellgha kiyaghsaghqaaguq quunperugllak kenlengunaan.

Kina alngunak pilghii kiyaghtengnguniluni ellngani, kiyaghsaghqaaguq Jesus Christ‑am pillghatun.

Taghnughhaghhamni, whaten latangwaamsi seghleghqefqaafsi pisqellusi. Iwernga kina alngunak seghleghqegkan Jesus Christ‑am elqughutngalghiim maniguututaqiinkut Atamun.

Kina whaten pilghii, “Liisimakaqa Kiyaghneq,” naqam qaatkegpenaki qelghusii, iqlengiqestenguuq, nallukaallu ipapighqelleq.

Esgha whaten ipapighqutkesaghqaghput liisimakilleghput Kiyaghneghmeng, qaatkellemteggun qelghusii.

Kina alngunak pilghii nighugmenniluni naqam ugumikluku ugpeqaalgutni, paninang mamlegmelnguuguq.

Kina iqlengiqestengwaa? Iqlengiqestenguuq whaten pilghii, “Jesus, Christ‑angunghituq.” Taananguq anguyakilghii Christ‑ameng qayughllak ighsakegkek Atankuk Ighneghenkuk.

Kitum alngunak ighsakegkumigu Ighneq, Atallu ighsaksaghqaqaa; kitum alngunak tugukliqumigu Ighneq, Atallu tuguklighyaghqaqa.