Popular Bible Verses from Gálatas 1

Share

Maka jara b̶uud̶eeba mʉʉba jʉrʉwẽa b̶uu ẽbẽrarãba mʉ biꞌia unud̶amera, maumaarã kʉ̃ria b̶uu Dachi Akõréburu mʉ biꞌia unumera. Cristod̶e ijãai naed̶e mʉʉba jʉrʉ b̶uabachii ẽbẽrarãba mʉ biꞌia unud̶amera. Wabid̶a maka wau b̶uasirã, mʉ Cristo baita bari trajabarii b̶uabai basii.

Barikiuba chi bed̶ea bia Cristo ʉ̃rʉbena daiba machimaa jaradeaped̶aad̶a june ãyaa jaradearuubʉrã, Dachi Akõreba mau ewaricha kastikai; daiba maebʉrã ángel bid̶a june ãyaa jaradeaduubʉrã, dai sid̶a Dachi Akõreba ewaricha kastikai.

Dachi Bajãad̶ebena Akõreba maud̶e Dachi Mechiu Jesucristo ãchi sõbiad̶eeba machi aid̶a panad̶ai maud̶e jirukaraayuwãe panabiad̶ai. Ara mau Jesucristoba ichi dachi kachirua kakua ida beabisii nau ewari kachiruad̶ebena karibai baita. Maka wausii Dachi Bajãad̶ebena Akõreba maka kʉ̃riasiid̶eeba.