Popular Bible Verses from Hechos 11

Share

Aria año ab̶a ijãabadaurã baara paneesid̶au, maud̶e ãrea ẽbẽrarãmaa Jesucristo ʉ̃rʉbena jaradeabachid̶au. Mau Antioquía puurud̶e ẽbẽrarãba chi Jesusd̶e ijãabadaurã “cristiano” abachid̶au. Mau chi nabena ewari basii maka trʉ̃aped̶aad̶a.

Mau Bernabé ẽbẽra jipa nibasii. Jesusd̶e ãrea ijãa nibasii; Dachi Akõre Jaurid̶eeba nibasii. Bernabé Antioquiad̶e neesiid̶e unusii Dachi Akõreba ichi sõbiad̶eeba ãbarã kariba b̶uu. Maud̶eeba ichi ãrea kĩrajʉʉsii. Maud̶e ichiba jomaurãmaa jarabachii sõd̶eeba ewaricha Dachi Mechiud̶e biawãra ijãad̶amera. Maka b̶uud̶e ãreaba Dachi Mechiud̶e ijãasid̶au.

Dachi Mechiu Jesucristod̶e ijãa panuud̶eeba Dachi Akõreba dachimaa ichi Jauri deasii. Ichi Jauri ãchimaa deasiid̶eeba ¿mʉʉba saka ichiba waud̶a ʉ̃rʉbena kachirua jaraima? Jerusalend̶ebena ãbarãba mau ũrisid̶aud̶e waa kachirua jarad̶aabasii, maumaarã Dachi Akõremaa naka biꞌia berreasid̶au: —¡Biawãra Dachi Akõreba judiowãerã karibasii ãchi kachirua ida b̶ud̶aped̶a ichimaa need̶amera! ¡Maka ewaricha ichi baara chokae panad̶ai!