Popular Bible Verses from 2 Timoteo 2

Share

Chi biawãra bed̶ea Dachi Akõred̶e jipa jaradeabarii unubi b̶uase. Trajabarii biꞌia b̶uu kĩra kauwa wau b̶uase Dachi Akõreba bichi kĩrakayayuwãe b̶uu unumera.

Kũudrãarãba kachirua kʉ̃riabadau kĩra waurã́se. Mau kãyabãra jipa waui baita b̶uase. Jesusd̶e ijãa b̶uase. Jomaurã kʉ̃ria b̶uase. Jomaurã ome jirukaraayuwãe b̶uase. Dachi Mechiumaa ʉtaa id̶ibadaurã ome sõ jipa b̶uud̶eeba joma mau baara wã b̶uase.

Chi Dachi Mechiu baita bari trajabarii oa kachirua berrea b̶uabai b̶uu, maumaarã jomaurã ome sõbia b̶uai b̶uu. Jaradea kuitaa b̶uai b̶uu. Jomaurã ome jãadua b̶uai b̶uu.

Dachiba jara panuu kĩra waud̶awẽebʉrã, dachi maka panumina, ichiba jara b̶uu kĩra waubarii, ara ichiba jarad̶a meraabai b̶uud̶eeba.

Ichiba bed̶ea biad̶eeba Dachi Akõre bed̶ea kuitaabia b̶uu, chi ichiba jaradea b̶uu kʉ̃riad̶akau ẽbẽrarãmaa, maka Dachi Akõreba maarã karibaaruubʉrã. Maka ichimaa waya need̶aped̶a chi biawãra bed̶ea kuitaad̶ai.

Dachi Akõre daad̶e kachirua nureerãba nebʉrʉbadau ida b̶use. Chi maka nureerã Dachi Akõred̶ebena aude kaitawẽ wãbadau.