Popular Bible Verses from 1 Corintios 2

Share

Maamina kuitaad̶aabasii Dachi Akõre bed̶ead̶e naka b̶ʉ kub̶uu kĩra: «Chi Dachi Akõreba ichi kʉ̃ria nuree baita biꞌia wauped̶a uru b̶uu, ab̶au bid̶a wabid̶a unud̶akau, kʉʉrʉba ũrid̶akau maud̶e ne ab̶a bid̶a kuitaa kʉ̃risiad̶akau».

Maamina Dachi Akõre Jauriba kuitaabi b̶uu chi Dachi Akõre Jauriwãe niiba kuitaai kʉ̃riakau, ichimaarã biꞌiwãe b̶uud̶eeba. Maud̶e poyaa kuitaakau, ab̶a Dachi Akõre Jaurid̶éburu kuitaai b̶uud̶eeba.

Joma mau Dachi Akõreba ichi Jaurid̶eeba dachimaa kuitaabiasii. Ichi Jauriba ne joma kuitaa b̶uu. Chi Dachi Akõre kʉ̃risia sid̶a ne joma kuitaa b̶uu.

Dachiba nau iujãad̶ebena kʉ̃risia adaud̶aabasii, maumaarã Dachi Akõre Jauri adausid̶au joma Dachi Akõreba ichi sõbiad̶eeba dead̶a kuitaad̶amera.

Mʉʉba Jesús ʉ̃rʉbena jaradea b̶uasiid̶e mʉ kʉ̃risia kuitaad̶eeba maka waubasii machiba ijãad̶amera. Maumaarã Dachi Akõre Jauriba ichi poyaad̶eeba kuitaabiasii mau bed̶ea biawãra. Maka machiba nau iujãad̶ebena kʉ̃risia kuitaad̶eeba Jesucristod̶e ijãad̶aabasii, maumaarã Dachi Akõre poyaad̶eeba ijãasid̶au.