Popular Bible Verses from Nikumoona 103

Share

Mume̔chim ka Tipāye̔chekāt, O net a̔cha̔k: mena ākaweya wunekiskissew oot aputchehewāwina

Ka usānumask ka̔keyow ke muche̔tewin: mena ka pimache̔tumask ka̔keyow ke nāsoowatissewina; Ka pimache̔tumask ke pimatissewin nissewunachehoowini̔k o̔che: mena ka meeyisk kissāwatisseewin mena kissāwatotakāwin; Ka tāpeyowā̔tat ke’ toon meyo kākwi o̔che: ā issehisk kitta ooskatissewut mena kissesowatissewut tapiskooch mikissew.

Mume̔chim ka Tipāye̔chekāt, O net a̔cha̔k: mena ka̔keyow tu̔to kākwi ā pee̔tiskakooyan kitta mume̔chimik oo kunache We̔yoowini̔k.

Tapwā, tapiskooch o̔tawemaw ka kitimakinowat weya oot owasimisa: ākose neesta ka Tipāye̔chekāt ā isse kissāwatotowat unehee ka koosikwāyimikoot.

Kunowapu̔tumook mena ā ispee̔che ayukuskak wapunoo̔k o̔che itta ka pu̔kissimook isko: ākooyekoo̔k wa̔yow ke̔ ustaw ke muche̔tewinowa.

Ka Tipāye̔chekāt sakuskināskak kitimakinakāwin mena kissāwatisseewin: seepeyowāsew, mena ke̔che meywatissew.

Numoweya ā ke̔ isse wune̔teyu̔k ket i̔totakoonow: mena numoweya ā isse muche̔teyu̔k ket isse tipa̔humakoonow. Wapu̔tumook ā ispee̔che ispak kesik owusimā ispee̔ch uske: ākose ā isse misayik oo kissāwatisseewin ā kissāwatotowat unehee ka koosikwāyimikoot.

Ka Tipāye̔chekāt ke̔ kwyache̔taw oot uppewin kesikoo̔k: mena weya oo’ tānowewin missewā itta tipāye̔tum.