Nikumoona 103
103
Nikumoon CIII.
1Mume̔chim ka Tipāye̔chekāt, O net a̔cha̔k: mena ka̔keyow tu̔to kākwi ā pee̔tiskakooyan kitta mume̔chimik oo kunache We̔yoowini̔k.
2Mume̔chim ka Tipāye̔chekāt, O net a̔cha̔k: mena ākaweya wunekiskissew oot aputchehewāwina;
3Ka usānumask ka̔keyow ke muche̔tewin: mena ka pimache̔tumask ka̔keyow ke nāsoowatissewina;
4Ka pimache̔tumask ke pimatissewin nissewunachehoowini̔k o̔che: mena ka meeyisk kissāwatisseewin mena kissāwatotakāwin;
5Ka tāpeyowā̔tat ke’ toon meyo kākwi o̔che: ā issehisk kitta ooskatissewut mena kissesowatissewut tapiskooch mikissew.
6Ka Tipāye̔chekāt totumowāo kwiusk itatissewin mena ooyussoowāwin: ka̔keyow tu̔to ka kitimahimee̔t nuspach isse.
7Ke̔ wapu̔teyāo oot itatissewina Mosesa: mena oot isse̔chekāwina Israel oot owasimisa.
8Ka Tipāye̔chekāt sakuskināskak kitimakinakāwin mena kissāwatisseewin: seepeyowāsew, mena ke̔che meywatissew.
9Numoweya mosuk kitta kitoosewāo: mena numoweya kakekā kunowāye̔tum oo kissewasewin.
10Numoweya ā ke̔ isse wune̔teyu̔k ket i̔totakoonow: mena numoweya ā isse muche̔teyu̔k ket isse tipa̔humakoonow.
11Wapu̔tumook ā ispee̔che ispak kesik owusimā ispee̔ch uske: ākose ā isse misayik oo kissāwatisseewin ā kissāwatotowat unehee ka koosikwāyimikoot.
12Kunowapu̔tumook mena ā ispee̔che ayukuskak wapunoo̔k o̔che itta ka pu̔kissimook isko: ākooyekoo̔k wa̔yow ke̔ ustaw ke muche̔tewinowa.
13Tapwā, tapiskooch o̔tawemaw ka kitimakinowat weya oot owasimisa: ākose neesta ka Tipāye̔chekāt ā isse kissāwatotowat unehee ka koosikwāyimikoot.
14Weya ā kiskāye̔tu̔k kākwunoo̔k wā̔che ose̔chekasooyu̔k: kunoo̔kāo ā usiskeewewu̔k.
15Oo kesikama ayiseyinew tapiskooch muskoose itāye̔takwuneyewa: weya tapiskooch wapikwunees kistekani̔k ā issenakoo̔chekāt.
16Weya sāmak neyooti̔ke, ā kowewāpastu̔k: ākose āka ā kiskāye̔takwu̔k tanitta ke̔ chimutāpun.
17Maka oo kissāwatisseewin ka Tipāye̔chekāt kakekā kitta ayayewa unehee ka koosikwāyimikoot: mena kwiusk oot’ itatissewin ā utte aniskā e̔tayit owasisa;
18Tu̔to ka kunowāye̔tumeyit oot isse̔twawin: mena ka mitoonāye̔tumeyit oo’ yussoowāwina kitta totumeyit.
19Ka Tipāye̔chekāt ke̔ kwyache̔taw oot uppewin kesikoo̔k: mena weya oo’ tānowewin missewā itta tipāye̔tum.
20O mume̔chimee̔k ka Tipāye̔chekāt, keyawaw ka ke̔che oot utooskāyakunimikooyāk, ka puskeyakāyāk muskowisseewini̔k isse: keyawaw ka tipetotumwāk oo’ yussoowāwina, mena ka nutoo̔tumwāk oot ayumewina.
21O mume̔chimee̔k ka Tipāye̔chekāt, ka̔keyow ā̔tusseyāk: keyawaw oot utooskāyakuna ka totumwāk ā isse meywāye̔tu̔k.
22O meyo achimee̔k ka Tipāye̔chekāt, keyawaw oot isse̔chekuna, missewā itta ā tipāye̔tu̔k: mume̔chim ka Tipāye̔chekāt net a̔cha̔k.
Currently Selected:
Nikumoona 103: CSW
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1876-1877.
