Popular Bible Verses from သုၵ်ႉတၢမ်ႇ 26

ယႃႇ​ပေ​ၸွမ်း​သၽေႃး ၵေႃႉ​ဢၼ်​မိူၵ်ႈ​ၼၼ်ႉ​သေ​လႄႈ ၶိုၼ်း​ၵႄႈ​ၶိုၼ်း​လိတ်ႈ​ၵႂၢမ်း​မၼ်း။ ၵူဝ်​မႂ်း​တၵ်း​မိူၼ်​ၵၼ်​တင်း​မၼ်း​ဢေႃႈ။- ၸွမ်း​သၽေႃး​ၵေႃႉ​ဢၼ်​မိူၵ်ႈ​ၼၼ်ႉ​သေ​လႄႈ ၵႄႈ​လိတ်ႈ​ၵႂၢမ်း​မၼ်း​တႃႉ။ ၵူဝ်​မၼ်း​တၵ်း​ထၢင်ႇ​မၼ်း မီး​ပိင်ႇ​ၺႃႇ​သိုဝ်ႈ​ၼႃႈ​တႂ်ႈ​တႃ​မၼ်း​ဢေႃႈ။

ၸိူဝ်ႉ​ၼင်ႇ​ဢၼ်​မႃ ၸၢင်ႈ​ၶိုၼ်း​ၵိၼ်​ႁၢၵ်ႈ​မၼ်း​ၼၼ်ႉ၊ ၵေႃႉ​ဢၼ်​မိူၵ်ႈ​ၼၼ်ႉ ၸၢင်ႈ​ၶိုၼ်း​ၵမ်​ၵျၢင်ႉ​တၢင်း​ၵမ်​တၢင်း​ၵျၢင်ႉ​ဢၼ်​မိူၵ်ႈ​ဢေႃႈ။

ၸိူဝ်ႉ​ၼင်ႇ​ဢၼ်​ပေႃး​ဢမ်ႇ​မီး​ၽိုၼ်း​ၸိုင်၊ ၽႆး​ၸၢင်ႈ​တၢႆ​ၼၼ်ႉ၊ ပေႃး​ဢမ်ႇ​မီး​ၵေႃႉ​ဢၼ် သႄႇ​ယူင်း​ပူင်​ၸႃႉ​ၸိုင်၊ တၢင်း​ဢၼ်​ၽိတ်း​ၵၼ် ၸၢင်ႈ​ထၢတ်ႇ​ယဵၼ်​ဢေႃႈ။

ၵေႃႉ​ဢၼ်​ၶုတ်း​ၶုမ်​ၶုတ်း​လုၵ်း​ၼၼ်ႉ တၵ်း​တူၵ်း​သႂ်ႇ​ၵႃႈ​ၼႂ်း​မၼ်း​လႄႈ၊ ၵႃႈ​ၼိူဝ်​ၵေႃႉ​ဢၼ်​ၵိင်ႈ​မၢၵ်ႇ​ႁိၼ်​ၼၼ်ႉ​ၵေႃႈ၊ မၢၵ်ႇ​ႁိၼ်​တၵ်း​ၶိုၼ်း​ၵိင်ႈ​သႂ်ႇ​ဢေႃႈ။

ပေႃး​မီး​သေ​ၵေႃႉ​သေ​ၵူၼ်း​ထၢင်ႇ​မၼ်း​မီး​ပိင်ႇ​ၺႃႇ​ၸိုင်၊ ဢၶႂၢင်ႉ​ဢၼ်​လီ​မုင်ႈ​ထႃႈ​မွင်း​ထႃႈ လူၺ်ႈ​ၵေႃႉ​ဢၼ်​မိူၵ်ႈ​ၼၼ်ႉ ယဵင်ႈ​ၶႅၼ်း​မီး​ၼႃႇ​သေ ဢၶႂၢင်ႉ​ဢၼ်​လီ​မုင်ႈ​ထႃႈ​မွင်း​ထႃႈ​လူၺ်ႈ​ၵေႃႉ​ၼၼ်ႉ​ဢေႃႈ။

ၵေႃႉ​ဢၼ်​ပႆ​ၸွမ်း​တၢင်း​ၵႂႃႇ​လႄႈ လေႃး​လႄး​လူၺ်ႈ​ၵၼ်​တင်း​ဢမူႉ ဢၼ်​ဢမ်ႇ​ၸၢပ်ႈ​သႅင်ႇ​ၵၼ်​တင်း​မၼ်း​ၼၼ်ႉ ပဵၼ်​မိူၼ်​ၸိူဝ်ႉ​ၼင်ႇ ၵေႃႉ​ဢၼ်​ၵမ်​တိုတ်ႉ​မႂ်​ႁူ​မႃ​ၼၼ်ႉ​ဢေႃႈ။