Popular Bible Verses from ငဝ်ႈၵမ်ႇၽႃႇ 45

Share

တေႃႈ​လဵဝ်​ၼႆႉ ယႃႇ​ပေ​မီး​ၸႂ်​ဢၼ်​လဵၵ်ႉ​ဢၼ်​ဢူၼ်ႈ​လႄႈ ၸႂ်​မႆႈ​ၶႆႈ​ၸႃႉ​တီႈ​တူဝ်​ၸဝ်ႈ​ၵဝ်ႇ ၵွပ်ႈ​ပိူဝ်ႈ​ဢၼ်​သူ​လႆႈ​ၶၢႆ​ၵဝ်​ၶႃႈ​မႃး ၵႃႈ​တီႈ​ၼႆႈ​မႅၼ်ႈ​ၼၼ်ႉ​သေ​ၵမ်း။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​လႆႈ​ပွႆႇ​ၸႂ်ႉ​ၵဝ်​ၶႃႈ​မႃး​ဢွၼ်​တၢင်း​သူ ႁႂ်ႈ​လႆႈ​ၸွႆႈ​ထႅမ်​ဢသၢၵ်ႈ​ၵူၼ်း​ဢေႃႈ။

ပိူဝ်ႈ​ၼႆ​လႄႈ သူ​ပွႆႇ​ၸႂ်ႉ​ၵဝ်​ၶႃႈ​မႃး​ၵႃႈ​တီႈ​ၼႆႈ​ဢမ်ႇ​ၸႂ်ႈ။ ၽြႃး​ပဵၼ်​ၸဝ်ႈ​ပွႆႇ​ၸႂ်ႉ​ၵဝ်​ၶႃႈ​မႃး​ဢေႃႈ။ မၼ်း​ၸဝ်ႈ​ၶၢၼ်း​ၵဝ်​ၶႃႈ​ဝႆႉ​ၼႂ်း​ဢရႃႇ​ပေႃႈ​ၶုၼ်​ႁေႃ​ၶမ်း​ ၽႃႇရေႃး ၊ ၼႂ်း​ဢရႃႇ​ၵေႃႉ​ဢၼ်​ဢုပ်ႉ​ၵႃႈ​ၼိူဝ်​ႁေႃ​ၶမ်း၊ ၼႂ်း​ဢရႃႇ​ၸဝ်ႈ​ဢၼ်​ဢုပ်ႉ​ပိူင်ႇ​မိူင်း​ ဢေႇၵိပ်ႉတူႉ ​ၵႃႈ​မီး​တင်း​သဵင်ႈ​တင်း​လူင်​ၼႆႉ​ယဝ်ႉ။

ၽြႃး​ပဵၼ်​ၸဝ်ႈ​လႆႈ​ပွႆႇ​ၸႂ်ႉ​ၵဝ်​ၶႃႈ​မႃး​ဢွၼ်​တၢင်း​သူ ႁႂ်ႈ​သူ​လႆႈ​ၵိုတ်း​ၵျၢၼ်ႇ​ၵႃႈ​ၼိူဝ်​လိၼ်​မိူင်း​ၼႆႉ ဢိၵ်ႇ​တင်း​ႁႂ်ႈ​လႆႈ​ဢဝ်​တင်း တၢင်း​ဢၼ်​ၵႄႇ​ၶျွတ်ႈ​ဢၼ်​ယႂ်ႇ​ၼႃႇ ႁႂ်ႈ​ဢသၢၵ်ႈ​သူ ၵတ်း​ယဵၼ်​ၶျၢမ်း​သႃႇ​ဢေႃႈ။

ယူဝ်းသႅပ်ႈ ​ၵေႃႈ​လၢတ်ႈ​တီႈ​ပီႈ​ဢၢႆႈ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ သုတ်ႉ​မႃး​ၵႃႈ​တီႈ​ၵဝ်​ၶႃႈ​ၼႆႉ​ၸမ်​ၸမ်​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ဢွၼ်​ၵၼ်​သုတ်ႉ​ၸူး​ၸမ်​ၸမ်​ဢေႃႈ။ မၼ်း​ၵေႃႈ​လၢတ်ႈ​လႄႈ​ဝႃႈ၊ ၵဝ်​ၶႃႈ​ၼႆႉ​ပဵၼ်​ ယူဝ်းသႅပ်ႈ ၊ ၼွင်ႉ​ၸၢႆး​သူ ဢၼ်​သူ​ၶၢႆ​တေႃႇ ၵႃႈ​တီႈ​မိူင်း​ ဢေႇၵိပ်ႉတူႉ ​ၼႆႉ​မႃး​ၼၼ်ႉ​ဢေႃႈ။

တၢင်း​ဢၼ်​ပဵၼ်​ၶဝ်ႈ​ၵႃႈ​မၢၵ်ႇ​ပႅင်း​ၵႃႈ​ၼိူဝ်​လိၼ်​မိူင်း​ၼႆႉ လႆႈ​သွင်​ပီႊ​ယဝ်ႉ။ ပီႊ​ဢၼ်​ဢမ်ႇ​လႆႈ​ႁဵတ်း​ၼႃး၊ ဢမ်ႇ​လႆႈ​ပၢတ်ႇ​ၶဝ်ႈ​ၼၼ်ႉ ယင်း​မီး​ယူႇ​ႁႃႈ​ပီႈ​လူး​ၵွၼ်ႇ​ဢေႃႈ။

ယူဝ်းသႅပ်ႈ ​လၢတ်ႈ​တီႈ​ပီႈ​ဢၢႆႈ​မၼ်း​ၸိူဝ်း​ၼၼ်ႉ​လႄႈ​ဝႃႈ၊ ၵဝ်​ၶႃႈ​ၼႆႉ​ပဵၼ်​ ယူဝ်းသႅပ်ႈ ​ဢေႃႈ။ ပေႃႈ​ၵဝ်​ၶႃႈ​ၼၼ်ႉ ဢသၢၵ်ႈ​ယင်း​လိပ်း​ယူႇ​ႁိုဝ်။ ဝႃႈ​ၼင်ႇ​ၼႆ​ဢေႃႈ။ ပီႈ​ဢၢႆႈ​မၼ်း​ၸိူဝ်း​ၼၼ်ႉ​ၵႂင်​ၸႂ်​ယုင်ႈ​ၸႂ်​တေႃႇ​ထိုင်​ႁွတ်ႈ​ထၼ်ႈ​ပေႃး ဢမ်ႇ​ၶိုၼ်း​လၢတ်ႈ​ၵႂၢမ်း​တေႃႇ​မၼ်း​လႆႈ​လႄႈ​ယူႇ​ဢေႃႈ။