Popular Bible Verses from ငဝ်ႈၵမ်ႇၽႃႇ 35

Share

ၽြႃး​ပဵၼ်​ၸဝ်ႈ​သမ်ႉ​လၢတ်ႈ​တီႈ​မၼ်း​လႄႈ​ဝႃႈ၊ ၵဝ်​ပဵၼ်​ၽြႃး​ပဵၼ်​ၸဝ်ႈ​ၸဝ်ႈ​ဢၼၼ်ႇတႃႉ​တၼ်း​ၶူဝ်း​ဢေႃႈ။ ၵိူတ်ႇ​လဵင်ႉ​လုၵ်ႈ​လဵင်ႉ​လၢင်း​လႄႈ ယႂ်ႇ​ၽႄႈ​ၼမ်​ၵိုၼ်း​မႃး​တႃႉ။ ၵူၼ်း​မဵဝ်း​လဵဝ်​ၵူၺ်း​ဢမ်ႇ​ၵႃး၊ ၵူၼ်း​မဵဝ်း​ၼမ်​ၼႃႇ​တၵ်း​ဢွၵ်ႇ​ပဵၼ်​မႃး​ၵႃႈ​ၼႂ်း​မႂ်း​ဢေႃႈ။ ၶုၼ်​ႁေႃ​ၶမ်း​တၵ်း​ပေႃႇ​ဢွၵ်ႇ​ပဵၼ်​မႃး​ၵႃႈ​ၼႂ်း​ၸိူဝ်ႉ​ၶိူဝ်း​မႂ်း​ဢေႃႈ။- ၵဝ်​တၵ်း​ဢဝ်​လိၼ်​ဢၼ်​ၵဝ်​ပၼ်​တီႈ​ ဢႃႇပြႃႇႁၢမ်ႇ ​တင်း​ ဢီႉၸၢၵ်ႈ ​ၼၼ်ႉ​ပၼ်​တီႈ​မႂ်း​ဢေႃႈ။ တီႈ​ၸိူဝ်ႉ​ၶိူဝ်း​မႂ်း လိုၼ်း​မႂ်း​ၼၼ်ႉ​ၵေႃႈ၊ ၵဝ်​တၵ်း​ဢဝ်​လိၼ်​ၼၼ်ႉ​ပၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ဢွၼ်​ၵၼ်​လုၵ်ႉ​လႄႈ​ၵႂႃႇ​ၵႃႈ​တီႈ​ ပေႇသလႃႉ ​ပုၼ်ႉ​တႃႉ​ႁဝ်း။ ၵဝ်​တၵ်း​ႁဵတ်း​ယိတ်ႈပလၢင်ႇ​ပုၼ်ႈ​ၽြႃး​ပဵၼ်​ၸဝ်ႈ ဢၼ်​ဢိူဝ်​ၵဝ်​ၼႂ်း​ၶိင်ႇ​ၵႃႇလႃႉ မိူဝ်ႈ​ဢၼ်​ၵဝ်​လႆႈ​ၶၢမ်ႇ တုၵ်ႉ​ၶႃႉ​တၢင်း​ၽၢၼ်​လႄႈ မီး​ယူႇ​လူၺ်ႈ​ၵၼ်​တင်း​ၵဝ် ၼႂ်း​သဵၼ်ႈ​တၢင်း​ဢၼ် ၵဝ်​ၵႂႃႇ​ၼၼ်ႉ ၵႃႈ​တီႈ​ၼၼ်ႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၽြႃး​ပဵၼ်​ၸဝ်ႈ​လၢတ်ႈ​တီႈ​မၼ်း​လႄႈ​ဝႃႈ၊ တေႃႈ​လဵဝ်​ၼႆႉ​ၸိုဝ်ႈ​မႂ်း​ပဵၼ်​ ယႃႇၵုပ်ႈ ​ဢေႃႈ။ ၵမ်း​လိုၼ်း​ၸိုင် ဢမ်ႇ​လႆႈ​ႁွင်ႉ​ႁဵၵ်ႈ ၸိုဝ်ႈ​မႂ်း ယႃႇၵုပ်ႈ ။ တၵ်း​လႆႈ​ႁွင်ႉ​ႁဵၵ်ႈ ဢီႉသရေႇလႃႉ ​ဢေႃႈ၊ ဝႃႈ​ၼင်ႇ​ၼႆ​လႄႈ ႁွင်ႉ​ႁဵၵ်ႈ​ၸိုဝ်ႈ​မၼ်း ဢီႉသရေႇလႃႉ ​သေ​ဢေႃႈ။

မိူဝ်ႈ​ၼၼ်ႉ​ ယႃႇၵုပ်ႈ ​ႁွင်ႉ​ဢဝ်​ၵူၼ်း​ႁိူၼ်း​ၵူၼ်း​ယေး​တင်း​လၢႆ​ဢိၵ်ႇ​တင်း ၶဝ်​ၸိူဝ်း​ဢၼ်​မီး​လူၺ်ႈ​ၵၼ်​တင်း​မၼ်း​တင်း​သဵင်ႈ​တင်း​လူင်​ၼၼ်ႉ​လႄႈ​ဝႃႈ၊ ပႄႇ​ပႅတ်ႈ​ၽြႃး​ၵူၼ်း​တၢင်ႇ​ၸိူဝ်ႉ​တၢင်ႇ​ၶိူဝ်း​ဢၼ်​ပႃး​တီႈ​သူ​ၸိူဝ်း​ၼၼ်ႉ​သေ​တႃႉ။ ႁႂ်ႈ​မီး​တၢင်း​ဢၼ် မူတ်း​ၸၢင်ႇ​လႄႈ ပုတ်ႈ​လၢႆႈ​ၶူဝ်း​လဵင်း​တႃႉ။

ဝၢႆး​ၼၼ်ႉ​ၽြႃး​ပဵၼ်​ၸဝ်ႈ​လၢတ်ႈ​တီႈ​ ယႃႇၵုပ်ႈ ​လႄႈ​ဝႃႈ၊ မႂ်း​လုၵ်ႉ​လႄႈ​ၵႂႃႇ​ယူႇ​ၵႃႈ​တီႈ​ ပေႇသလႃႉ ​ပုၼ်ႉ​တႃႉ။ ႁဵတ်း​ယိတ်ႈပလၢင်ႇ​ပုၼ်ႈ​ၽြႃး​ပဵၼ်​ၸဝ်ႈ ဢၼ်​ပေႃႇ​မႃး​တီႈ​မႂ်း​ၼႂ်း​မိူဝ်ႈ​ဢၼ်​မႂ်း ဢွၵ်ႇ​ပၢႆႈ​သေ​ၵႃႈ​တီႈ​ပီႈ​ဢၢႆႈ​မႂ်း​ ဢေးသေႃး ​ၼၼ်ႉ​ၵႃႈ​တီႈ​ၼၼ်ႈ​တႃႉ၊ ဝႃႈ​ၼင်ႇ​ၼႆ​ဢေႃႈ။

မၼ်း​ၼၼ်ႉ ၼႂ်း​မိူဝ်ႈ​ဢၼ်​ယင်း​တိုၵ်ႉ​တၢႆ​လႄႈ ၸႂ်​ဝီႉၺိၺ်ႇ​ဢွၵ်ႇ​ယူႇ​ၼၼ်ႉ​ၸိုင်၊ ႁွင်ႉ​ႁဵၵ်ႈ​ၸိုဝ်ႈ​လုၵ်ႈ​ၸၢႆး​ၼၼ်ႉ ပိၼ်ႇဢူဝ်းၼီႉ ​ဢေႃႈ၊ ပေႃႈ​မၼ်း​ၸမ်ႉ၊ ႁွင်ႉ​ႁဵၵ်ႈ​ၸိုဝ်ႈ​ ပိၼ်ႇယႃႇမိၼ်ႇ ​ဢေႃႈ။