Popular Bible Verses from ဢေးသတႃႇ 9

ၼႂ်း​လိူၼ်​တႂႃႇ​တႃႉသမႃႉ ဢၼ်​လႆႈ​ၸိုဝ်ႈ​ ဢႃႇတႃႇ သိပ်း​သၢမ်​ဝၼ်း ဢၼ်​ဝႃႈ​ဝၼ်း​ဢၼ်​ပဵၼ်​ၶိင်ႇ​ဢၼ်​လႆႈ​ႁဵတ်း ၸွမ်း​ၵႃႈ​ၼင်ႇ​ဢၼ်​ဢမိင်ႉ​ၶုၼ်​ႁေႃ​ၶမ်း​မီး​ၼၼ်ႉ​ၸမ်ႉ​မႃး​လႄႈ ရၢၼ်ႇ​သူႇ​မဵဝ်း​ ယူႉတႃႉ ​တင်း​လၢႆ မုင်ႈ​မွင်း​လူၺ်ႈ​လွင်ႈ​ဢၼ်​ၶဝ်​တၵ်း​ပႄႉ​ၼႅင်ႇ​ၼၼ်ႉ ဝၼ်း​ဢၼ်​ဢမူႉ​ၶၢႆႉ​ပုတ်ႈ​လႄႈ ၵူၼ်း​ ယူႉတႃႉ ​တင်း​လၢႆ လႆႈ​ပႄႉ​ၼႅင်ႇ​ၶဝ်​ၸိူဝ်း​ဢၼ်​သီႈ​ၵေႉ​ႁေႈ​တႃ​ၶဝ်​ၼၼ်ႉ​ၼၼ်ႉ၊

လႆႈ​သမ်ႉ မေႃႇတၵႄး ​ၼၼ်ႉ တႅမ်ႈ​လွင်ႈ​တၢင်း​ၸိူဝ်း​ၼႆႉ​ဝႆႉ​လႄႈ ပၼ်​လိၵ်ႈ​ၵႂႃႇ​တီႈ​ၵူၼ်း​ ယူႉတႃႉ ၵႃႈ​ဢၼ်​မီး​တီႈ​ဢၼ်​ၸမ်၊ တီႈ​ဢၼ်​ၵႆ၊ ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ ဢႃႇသူၺ်ႇရူႉ ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ​ၼၼ်ႉ​ၸိူဝ်း​ၼၼ်ႉ​လႄႈ၊- သင်ႇ​လၢတ်ႈ​ၵႂႃႇ​ႁႂ်ႈ​ၶဝ်​ႁဵတ်း​ထုင်း​ၸၢမ်ႇ ဢၼ်​ပႂ်ႉ​ဝၼ်း​လိူၼ်​ ဢႃႇတႃႇ သိပ်း​သီႇ​ဝၼ်း ဢိၵ်ႇ​တင်း​သိပ်း​ႁႃႈ​ဝၼ်း ၵူႈ​ပီႊ​ၵူႈ​ပီႊ၊- ဢၼ်​ဝႃႈ ဝၼ်း​ဢၼ်​ၵူၼ်း​ ယူႉတႃႉ ​တင်း​လၢႆ လႆႈ​ၵတ်း​ယဵၼ်​ၶျၢမ်း​သႃႇ ၵၢင်း​လွတ်ႈ​ၵႃႈ​ၼႂ်း​မိုဝ်း​ရၢၼ်ႇ​သူႇ​ၶဝ်၊ လိူၼ်​ဢၼ် တၢင်း​ဢၼ်​ၶဝ်​ယၢပ်ႇ​ၸႂ်​ၶၢၼ်​ၸႂ်​ၼၼ်ႉ ၶၢႆႉ​ပုတ်ႈ​လႄႈ​ႁွတ်ႈ​ထိုင်​တၢင်း​ဢၼ်​ၸူမ်း​သိူဝ်း​မူၼ်ႈ​ပျေႃႇ တၢင်း​ဢၼ်​ၶဝ်​ၶၢင်း​ၶီ​ၶၢင်း​ၽၢၼ်​ၼၼ်ႉ ၶၢႆႉ​ပုတ်ႈ​လႄႈ​ႁွတ်ႈ​ထိုင်​ဝၼ်း​ဢၼ်​မင်ႇၵလႃႇ၊ ဢိၵ်ႇ​တင်း​ႁႂ်ႈ​ပဵၼ်​ဝၼ်း​ဢၼ်​ၶၢမ်ႇ​ပွႆး၊ ဝၼ်း​ဢၼ်​ၸူမ်း​သိူဝ်း​မူၼ်ႈ​ပျေႃႇ၊ ဝၼ်း​ဢၼ်​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ပၼ်​လၢၵ်ႈ​သွင်ႇ​ၸူး​ၵၼ်​လႄႈ ၽႄ​ၸွၼ်း​ယိုၼ်ႈ​မႅင်ႇ​တီႈ​ၶဝ်​ၸိူဝ်း​ဢၼ်​ယၢၵ်ႈ​ဢၼ်​ၽၢၼ်​ၼၼ်ႉ​ဢေႃႈ။