Popular Bible Verses from ဢေးသတႃႇ 8

ၵႃႈ​ၼႂ်း​ၵႃႈ​ပဵၼ်​ၵူႈ​သိုင်ႇ​ၵူႈ​မိူင်း ၵူႈ​ဢိူင်ႇ​ၵူႈ​ၵျၢၵ်ႈ ၵူႈ​ဝၢၼ်ႈ​ၵူႈ​ဝဵင်း ဢၼ်​လိၵ်ႈ​ဢမိင်ႉ​ၸဝ်ႈ​ႁွတ်ႈ​ထိုင်​ၼၼ်ႉ​ၵေႃႈ ၵူၼ်း​ ယူႉတႃႉ ​တင်း​လၢႆ​မီး​တၢင်း​ဢၼ်​ၸူမ်း​ၸႂ်​သိူဝ်း​ၸႂ်၊ တၢင်း​ဢၼ်​မူၼ်ႈ​ၸႂ်​ပျေႃႇ​ၸႂ်၊ တၢင်း​ဢၼ်​ၶၢမ်ႇ​ပွႆး၊ တၢင်း​ဢၼ်​ပႂ်ႉ​ဝၼ်း​မင်ႇၵလႃႇ​လႄႈ ၵူၼ်း​ဝၢၼ်ႈ​ၵူၼ်း​မိူင်း​တင်း​လၢႆ ဢွၼ်​ၵၼ်​ၶဝ်ႈ​ၼႂ်း​ၽႃႇသႃႇ​ ယူႉတႃႉ ​ၼမ်​ၼႃႇ ၵွပ်ႈ​ပိူဝ်ႈ​ဢၼ်​ၶဝ်​ၵူဝ်​ႁႄ​ၵူၼ်း​ ယူႉတႃႉ ​ၼၼ်ႉ​ဢေႃႈ။

ၵႂၢမ်း​လိၵ်ႈ​ဢမိင်ႉ​ၸဝ်ႈ​ၼၼ်ႉ​ဝႃႈ၊ လွင်ႈ​ဢၼ်​ၶုၼ်​ႁေႃ​ၶမ်း​ပၼ်​ဢၶႂၢင်ႉ​တီႈ​ၵူၼ်း​ ယူႉတႃႉ ဢၼ်​မီး​ယူႇ​ၵႃႈ​ၼႂ်း​သိုင်ႇ​ၸိုင်ႈ​ဝၢၼ်ႈ​မိူင်း​ၸဝ်ႈ ၵူႈ​ဝၢၼ်ႈ​ၵူႈ​ဝဵင်း​ၸိူဝ်း​ၼၼ်ႉ ႁႂ်ႈ​ၶဝ်​လႆႈ​ၸူႉ​ၵၼ်​တုမ်​ၵၼ်​သေ​လႄႈ​ပႂ်ႉ​ဢသၢၵ်ႈ​ၶဝ်၊ ဢၶႂၢင်ႉ​ဢၼ်​ၶဝ်​လႆႈ​ၶႃႈ​ၽၼ်း​ဢဝ်​တၢႆ ပႄႇ​ၽဵဝ်ႈ​ႁူဝ်​ႁၢၼ်​ၵူၼ်း​သိုၵ်း​ၵူၼ်း​ဝၢၼ်ႈ​ၵူၼ်း​မိူင်း ပဵၼ်​မဵဝ်း​လႂ်​သေ​ဢမ်ႇ​ဝႃႈ ဢိူင်ႇ​လႂ်​ၵျၢၵ်ႈ​လႂ်​သေ​ဢမ်ႇ​ဝႃႈ၊ ဢၼ်​မီး​ဢလူဝ်ႇ​ၶႂ်ႈ​တိုၵ်း​မႃး​ၼၼ်ႉ တင်း​သဵင်ႈ​တင်း​လူင် ဢိၵ်ႇ​တင်း​လုၵ်ႈ​ဢွၼ်ႇ​ၶဝ်၊ မႄႈ​ယိင်း​ၶဝ်​သေ​လႄႈ ႁိမ်​ႁူင်ႇ​သိမ်း​ဢဝ်​ဢုၵ်ႉ​ၸႃႇ​ၶဝ်​ၼၼ်ႉ​ဝၼ်း​ၼိုင်ႈ၊