Popular Bible Verses from 1 ထိတ်ႉသႃႇလေႃးၼိၵ်ႈ 5

Share

မီး​တၢင်း​ဢၼ်​သိူဝ်း​ပျေႃႇ​ယူႇ​သေႇ​သေႇ​တႃႉ။- ႁဵတ်း​သူး​တွင်း​ပထၼႃႇ​ယူႇ​တႃႇ​သေႇ​တႃႉ။- ၼႂ်း​လွင်ႈ​တၢင်း​ၵူႈ​ၸိူဝ်ႉ​ၵူႈ​ပိူင်​ၼၼ်ႉ​ယွင်ႈ​ယေႃး​ၵျေး​ၸူး​ၸဝ်ႈ​တႃႉ။ လွင်ႈ​မၼ်း​ၸမ်ႉ ၼင်ႇ​ႁိုဝ်​သူ​တၵ်း​ၵမ်​ၵျၢင်ႉ​ၸိူဝ်ႉ​ၼင်ႇ​ၼၼ်​ၸိုင်၊ ၽြႃး​ပဵၼ်​ၸဝ်ႈ​မီး​ဢလူဝ်ႇ​ၼႂ်း​ ယေႇသူႉ​ၶရိၸ်ႈ ​ဢေႃႈ။

ႁႂ်ႈ​ၽြႃး​ပဵၼ်​ၸဝ်ႈ၊ ၸဝ်ႈ​တၢင်း​ၼိမ်​တူဝ်​ၸဝ်ႈ​ၵဝ်ႇ​ၼၼ်ႉ ႁႂ်ႈ​သူ​မူတ်း​ၸၢင်ႇ​တင်း​သဵင်ႈ​တင်း​မူတ်း​သေ​ၵမ်း​လူၺ်ႈ။ ၼင်ႇ​ႁိုဝ်​ဝီႉၺိၺ်ႇ​သူ တင်း​ၸႂ်​သူ တင်း​တူဝ်​ၶၼ်ႇ​ထႃႇ​သူ​တင်း​သဵင်ႈ​တင်း​မူတ်း တၵ်း​ၵၢင်း​လွတ်ႈ​တင်း​ဢၶႂၢင်ႉ တီႈ​ဢၼ်​တၵ်း​တၢင်ႇ​ဢပႅတ်ႈ​ၼႂ်း​မိူဝ်ႈ​ဢၼ်​ၸဝ်ႈ​ႁဝ်း​ ယေႇသူႉ​ၶရိၸ်ႈ ​မႃး​ၼၼ်ႉ​ၸိုင်၊ ႁႂ်ႈ​မၼ်း​ၸဝ်ႈ​ပႂ်ႉ​ၸွႆႈ​ပႂ်ႉ​ထႅမ်​ယူႇ​သေ​ၵမ်း​လူၺ်ႈ။- ၵေႃႉ​ဢၼ်​ႁွင်ႉ​ဢဝ်​သူ​ၼၼ်ႉ ပျေႉ​ၸုမ်ႇ​တင်း​သဵတ်ႈ​ၸႃႇ​လႄႈ တၵ်း​ႁဵတ်း​ၸိူဝ်ႉ​ၼင်ႇ​ၼၼ်ႉ​ဢေႃႈ။

လွင်ႈ​ၼင်ႇ​ႁိုဝ်​ၽူႈ​လႂ်​တၵ်း​ဢမ်ႇ​ၶိုၼ်း​တွပ်ႇ​ၶိုၼ်း​တႅၼ်း တၢင်း​ဢၼ်​ၽိတ်း​ပိူင်ႈ​ၼၼ်ႉ​ၵႃႈ​တီႈ​ပိူၼ်ႈ​တၢင်ႇ​ၵေႃႉ​ၼၼ်ႉ​ၸိုင် ႁဵတ်း​သတီႉ​လႄႈ ၵျူဝ်း​ၸႃး​ႁဵတ်း​ၵျေး​ၸူး​တီႈ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ဢိၵ်ႇ​တင်း​တီႈ​ၵူၼ်း​တင်း​သဵင်ႈ​တင်း​လူင်​ယူႇ ၵူႈ​ၶိင်ႇ​ၵူႈ​ၶႃႇ​တႃႉ။

ပိူဝ်ႈ​ၼႆ​လႄႈ​ၵႃႈ​ၼင်ႇ​ဢၼ်​သူ​ႁဵတ်း​ယူႇ​တေႃႈ​လဵဝ်​ၼႆႉ​ၼၼ်ႉ၊ ၼင်ႇ​ၵၼ်​ၵၼ်​တိုၵ်း​ယူင်း​ၵၼ်​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​တႄႇ ႁဵတ်း​ၵၼ်​ယူႇ​တႃႉ။

ပီႈ​ၼွင်ႉ​ၶဝ်​ဢိူၺ်း၊ ၵႂၢမ်း​ဢၼ်​ႁဝ်း​တိုၵ်း​ယူင်း​ၸူဝ်း​ဢဝ်​သူ​ၸမ်ႉ၊ ပၼ်​သတီႉ​တီႈ​ၶဝ်​ၸိူဝ်း​ဢၼ် ႁဵတ်း​ဢမ်ႇ​တြႃး​ၼၼ်ႉ​တႃႉ။ ပၼ်​ႁႅင်း​တီႈ​ၶဝ်​ၸိူဝ်း​ဢၼ်​ၸႂ်​လဵၵ်ႉ​ၸႂ်​ဢူၼ်ႈ​ၼၼ်ႉ​တႃႉ။ ထွၵ်ႈ​ၵမ်ႉ​ၶဝ်​ၸိူဝ်း​ဢၼ်​ႁႅင်း​လဵၵ်ႉ​ႁႅင်း​ၵေႇ​ၼၼ်ႉ​တႃႉ။ ႁႂ်ႈ​မီး​ၸႂ်​ဢၼ်​ယႂ်ႇ​ဢၼ်​ယၢဝ်း တီႈ​ၵူၼ်း​တင်း​သဵင်ႈ​တင်း​လူင်​တႃႉ။

ၽြႃး​ပဵၼ်​ၸဝ်ႈ​ၶၢၼ်း​ႁဝ်း​ဝႆႉ ႁႂ်ႈ​လႆႈ​ၶၢမ်ႇ​တၢင်း​ၸႂ်​မႆႈ​ၶႆႈ​ၸႃႉ​မၼ်း​ၸဝ်ႈ​ဢမ်ႇ​ၸႂ်ႈ၊ ၶၢၼ်း​ႁဝ်း​ဝႆႉ​ႁႂ်ႈ​လႆႈ တၢင်း​ဢၼ်​ၵႄႇ​ၶျွတ်ႈ​ဢဝ်​ၵွပ်ႈ​ပိူဝ်ႈ ၸဝ်ႈ​ႁဝ်း ယေႇသူႉ​ၶရိၸ်ႈ ၊

သူ​ၵႃႈ​မီး​တင်း​သဵင်ႈ​တင်း​လူင် ပဵၼ်​လုၵ်ႈ​ဢၼ်​လႅင်း၊ ပဵၼ်​လုၵ်ႈ​ၵၢင်​ဝၼ်း​ဢေႃႈ။ ပဵၼ်​လုၵ်ႈ​ၵၢင်​ၶိုၼ်း၊ ပဵၼ်​လုၵ်ႈ​ဢၼ်​လပ်း​သိင်ႇ​ဢမ်ႇ​ၸႂ်ႈ။