Popular Bible Verses from 1 ၵေႃးရိၼ်ႇထူႉ 15

Share

ၵွပ်ႈ​ႁွႆး​ၼႆႉ​လႄႈ ပီႈ​ၼွင်ႉ​ဢၼ်​ၵဝ်​ႁၵ်ႉ​ၶဝ်​ဢိူၺ်း၊ သူ​ပွင်​ႁဵတ်း​ဢမူႉ​ၸဝ်ႈ​ၽြႃး​လႄႈ ႁူႉ​လွင်ႈ​ဢၼ်​ဢၵျူဝ်း​သူ​ယႂ်ႇ​ၼႃႇ​ၼၼ်ႉ​သေ​ယဝ်ႉ၊ ပျေႉ​ၸုမ်ႇ​တင်း​ၸႂ်​ဢၼ်​တႄႇ​ဝႆႉ​ယူႇ၊ ယင်း​ဢမ်ႇ​ၶၢႆႉ​ဢမ်ႇ​ပုတ်ႈ​ယူႇ​သေ​လႄႈ ဢွၼ်​ၵၼ်​ၵႆႉ​ၵျူဝ်း​ၸႃး​ႁဵတ်း​ဢမူႉ​ၸဝ်ႈ​ၽြႃး​တႃႉ။

ၵျေး​ၸူး​ၽြႃး​ပဵၼ်​ၸဝ်ႈ​ဢၼ်​ပၼ်​ဢၶႂၢင်ႉ​တၢင်း​ဢၼ်​ပႄႉ​ၼႅင်ႇ​ၵွပ်ႈ​ပိူဝ်ႈ​ၸဝ်ႈ​ႁဝ်း​ ယေႇသူႉ​ၶရိၸ်ႈ တီႈ​ႁဝ်း​ၼၼ်ႉ​ယႂ်ႇ​ၼႃႇ​လူင်​လၢင်​ဢေႃႈ။

ယႃႇ​ပေ​ဢဝ်​ဢၼ်​ပႅၵ်ႇ​ဢၼ်​ပိူင်ႈ၊ တၢင်း​ဢၼ်​ႁဵတ်း​ၵေႃႉ​သေႈ​လူၺ်ႈ​ၵၼ်​တင်း​ၶဝ်​ၸိူဝ်း​ဢၼ်​ဢမ်ႇ​လီ​ၼၼ်ႉ ၸၢင်ႈ​ႁႂ်ႈ​ထုင်း​ၸၢမ်ႇ​တၢင်း​ၵမ်​တၢင်း​ၵျၢင်ႉ​ႁေႈ​ႁၢႆး​ၵႂႃႇ​ဢေႃႈ။

ၵူၺ်း​ၵႃႈ ၵွပ်ႈ​ပိူဝ်ႈ​ၵျေး​ၸူး​ၽြႃး​ပဵၼ်​ၸဝ်ႈ​ၵူၺ်း​လႄႈ ၵဝ်​ပဵၼ်​ၸိူဝ်ႉ​ၼင်ႇ​ဢၼ်​ၵဝ်​ပဵၼ်​ယူႇ​ၼႆႉ​ဢေႃႈ။ ၵျေး​ၸူး​ၸဝ်ႈ​ဢၼ်​ၵဝ်​လႆႈ​ၶၢမ်ႇ​ဢဝ်​ၼၼ်ႉ​ၵေႃႈ၊ လႆႈ​ၶၢမ်ႇ​ဢဝ်​လၢႆ​လၢႆ​ဢမ်ႇ​ၸႂ်ႈ၊ ၵဝ်​ႁဵတ်း​တၢင်း​ဢၼ်​ၵျူဝ်း​ၸႃး​ၼမ်​ၼႃႇ​သေ​တမၢၼ်ႇ​ၸဝ်ႈ​တင်း​သဵင်ႈ​တင်း​လူင်​ဢေႃႈ။ ပိၵ်ႉ​သမ်ႉ​ဝႃႈ​ၸိူဝ်ႉ​ၼင်ႇ​ၼႆ​သေ​ၵေႃႈ၊ ၵဝ်​ၵျူဝ်း​ၸႃး​ဢမ်ႇ​ၸႂ်ႈ။ ၵျေး​ၸူး​ၽြႃး​ပဵၼ်​ၸဝ်ႈ​ဢၼ်​မီး​ယူႇ​လူၺ်ႈ​ၵၼ်​တင်း​ၵဝ်​ၼၼ်ႉ​ၵျူဝ်း​ၸႃး​ဢေႃႈ။

ၶုၼ်​တၢႆ​ဢိူၺ်း၊ ၵွင်ႉ​ႁႅၼ်ႇ​ဢၼ်​မႂ်း​ဢဝ်​ၸီႈ​ၼၼ်ႉ​ၸမ်ႉ၊ မီး​ၵႃႈ​လႂ်။ ၶုၼ်​တၢႆ​ဢိူၺ်း၊ တၢင်း​ဢၼ်​မႂ်း​ပႄႉ​ၼႅင်ႇ​ၼၼ်ႉ​ၸမ်ႉ၊ မီး​ၵႃႈ​လႂ်။- ၵွင်ႉ​ႁႅၼ်ႇ​ဢၼ်​ၶုၼ်​တၢႆ​ဢဝ်​ၸီႈ​ၸမ်ႉ၊ ပဵၼ်​တူႉ​ၸရိူၵ်ႈ​ဢပႅတ်ႈ​ဢေႃႈ၊ တၼ်း​ၶူဝ်း​တူႉ​ၸရိူၵ်ႈ​ဢပႅတ်ႈ​ၸမ်ႉ၊ ပဵၼ်​ပိင်း​ၺၢပ်ႈ​တြႃး​ဢေႃႈ။

ၵဝ်​တၵ်း​ၼႄ​ပျႃး​တၢင်း​ဢၼ်​လိုၵ်ႉ​ဢၼ်​လမ်ႇ​ဢၼ်​ၼိုင်ႈ​လူး​ၵွၼ်ႇ​ဢေႃႈ။ ႁဝ်း​ၵႃႈ​မီး​တၵ်း​လႆႈ​ၼွၼ်း​လပ်း​ဢမ်ႇ​ၸႂ်ႈ။- ၵူၺ်း​ၵႃႈ​မိူဝ်ႈ​ဢၼ်​ပဝ်ႇ​ၶရႃႇ​ဢၼ်​လိုၼ်း​လင်​သုတ်း​ၼၼ်ႉ​ၸိုင်၊ ၵမ်း​ဢွၼ်ႇ​ၼိုင်ႈ၊ ၸူဝ်ႈ​ၽႅပ်ႉ​တႃ​ပွၵ်ႈ​ၼိုင်ႈ​ၵူၺ်း၊ ႁဝ်း​ၵႃႈ​မီး​တၵ်း​လႆႈ​ႁွတ်ႈ​ထိုင်​တၢင်း​ဢၼ်​ၶၢႆႉ​ပုတ်ႈ​ဢေႃႈ။ မိူဝ်ႈ​ဢၼ်​ႁွတ်ႈ​ထိုင်​ၶိင်ႇ​ဢၼ်​တၵ်း​ပဝ်ႇ​ၶရႃႇ​ၼၼ်ႉ​ၸိုင်၊ ၶဝ်​ၸိူဝ်း​ဢၼ်​တၢႆ​ယဝ်ႉ​ၼၼ်ႉ​တၵ်း​လုၵ်ႉ​ၶိုၼ်း တႄႇ​ယူႇ​ၼႂ်း​လွင်ႈ​တၢင်း​ဢၼ်​ဢမ်ႇ​ၸၢင်ႈ​တူႇ​ၸၢင်ႈ​ၼဝ်ႈ​လႄႈ ႁဝ်း​ၵႃႈ​မီး​တၵ်း​ႁွတ်ႈ​ထိုင်​တၢင်း​ဢၼ်​ၶၢႆႉ​ပုတ်ႈ​ဢေႃႈ။

ပိူဝ်ႈ​ဢၼ်​ပဵၼ်​ၼင်ႇ​ၼႆ​လႄႈ၊ ၸိူဝ်ႉ​ၼင်ႇ​ဢၼ်​တြႃး​တၢင်း​တၢႆ​တႄႇ​ယူႇ​ၵွပ်ႈ​ပိူဝ်ႈ​ၵူၼ်း​ၼၼ်ႉ၊ တြႃး​တၢင်း​ဢၼ်​ၶဝ်​ၸိူဝ်း​ဢၼ်​တၢႆ​ယဝ်ႉ တၵ်း​လုၵ်ႉ​ၶိုၼ်း​ၼၼ်ႉ​တႄႇ​ဝႆႉ​မီး​ယူႇ​ၵွပ်ႈ​ပိူဝ်ႈ​ၵူၼ်း​ဢေႃႈ။- ၸိူဝ်ႉ​ၼင်ႇ​ဢၼ်​ၵူၼ်း​ၵႃႈ​မီး​တင်း​သဵင်ႈ​တင်း​လူင် ႁွတ်ႈ​ထိုင်​တၢင်း​တၢႆ​ၵွပ်ႈ​ပိူဝ်ႈ​ ဢႃႇတၢမ်ႇ ​ၼၼ်ႉ၊ ၵူၼ်း​ၵႃႈ​မီး​တင်း​သဵင်ႈ​တင်း​လူင် တၵ်း​လႆႈ​ႁွတ်ႈ​ထိုင်​တၢင်း​ဢၼ်​ဢသၢၵ်ႈ​လိပ်း ၵွပ်ႈ​ပိူဝ်ႈ​ၸဝ်ႈ​ၶရိၸ်ႈ​ဢေႃႈ။

လွင်ႈ​တၢင်း​ဢၼ်​ၸၢင်ႈ​တူႇ​ၸၢင်ႈ​ၼဝ်ႈ​တေႃႈ​လဵဝ်​တႂ်ႈ​တႃ​ၼႆႉ တၵ်း​လႆႈ​ၶဝ်ႈ​ၼႂ်း​လွင်ႈ​တၢင်း​ဢၼ်​ဢမ်ႇ​ၸၢင်ႈ​တူႇ​ၸၢင်ႈ​ၼဝ်ႈ​ဢေႃႈ။ လွင်ႈ​တၢင်း​ဢၼ်​ၸၢင်ႈ​တၢႆ​တေႃႈ​လဵဝ်​တႂ်ႈ​တႃ​ၼႆႉ တၵ်း​လႆႈ​ၶဝ်ႈ​ၼႂ်း​လွင်ႈ​တၢင်း​ဢၼ်​ဢမ်ႇ​ၸၢင်ႈ​တၢႆ​ဢေႃႈ။

ၸဝ်ႈ​ၶရိၸ်ႈ​ၼၼ်ႉ တေႃႇ​ထိုင်​ႁွတ်ႈ​ၸူဝ်ႈ​ဢၼ်​ဢမ်ႇ​ပႆႇ​ၶျႃး​ရၢၼ်ႇ​သူႇ​တင်း​သဵင်ႈ​တင်း​လူင် ဝႆႉ​ၵႃႈ​တႂ်ႈ​တိၼ်​မၼ်း​ၸဝ်ႈ​ၼၼ်ႉ​ၸိုင်​တၵ်း​လႆႈ​ဢုပ်ႉ​ပိူင်ႇ​ဢေႃႈ။- ၶုၼ်​တၢႆ ဢၼ်​ပဵၼ်​ရၢၼ်ႇ​သူႇ​လိုၼ်း​လင်​သုတ်း​ၼၼ်ႉ​တၵ်း​လႆႈ​ႁွတ်ႈ​ထိုင်​တၢင်း​ဢၼ်​သုမ်း​ဢၼ်​ၸွမ်း​ဢေႃႈ။