Popular Bible Verses from ROOMU SOKKA 7

Share

Mootichinke Yesuusi Kiristoosi widoonni Maganoho galatu iillosi! Xa ani wodani'yanni Maganu Seerira borojjicho ikkoommo; mannimma'yanni kayinni cubbu seeri borojjichooti.

Ane giddo woy mannimma'ya heeshsho giddo horonta danchu coyi nookkita egennoommo. Dancha assate halcho nooe; dancha assate kayinni wolqa diafi'roommo.

Assate hasi'reemmoha dancha coye diasseemmo; iso agure hasi'reemmokkiha busha coye asseemmo.

Assate hasi'reemmokkiha busha coye asseemmoha ikkiro, konne assannohu ane giddo noo cubbooti ikkinnina ane di"ikkoommo.

Dancha coye assate hasi'ranni hee'reenna, busha coye assa doodheemmo gede assannoehu wolu seeri noota afoommo. Giddoyidi mannimma'ya Maganu Seerinni hagiidhitanno.

Assate hasi'reemmokki coye asseemmoha ikkiro, Seeru dancha ikkinota leellisheemmo.