Popular Bible Verses from ROOMU SOKKA 6

Share

Cubbu laalchi reyote; Maganuwiinni afi'nanni ba'raa'ri kayinni, Mootichinke Kiristoosi Yesuusi widoonni hegere heeshshooti.

Ki'ne eltote anga heedhinoonnita ikkinnina, Seeru anga heedhinoonnikki daafira, cubbu digashshanno'ne.

Cuuamatenni isi ledo waamammummo yannara, isi reyo beeqqinoommo. Kunnira, Kiristoosi Annu ayirrinyinni reyotenni kainte gede, ninkeno haaro heeshsho hee'neemmo.

Mannimma'ne biso bunshete uduunnicho assitine cubbu angara qoltinoonte; hatteentenni reyotenni ka'ine lubbotenni heedhinoonnihu gede ikkitine umo'ne Maganoho shiqishshe. Mannimma'ne baala keeraanchimmate uduunne assitine Maganoho uuyye.

Cubbaataame mannimmanke ba'aranna cubbu borojje ikkankeno gattara, akkala mannimmanke Kiristoosi ledo sutantinota egenninoommo.

Ki'neno cubbuwiinni reyinohu gede baxxitine, Kiristoosi Yesuusinni Maganoho heedhinannita hedde.

Xa ma yineemmo? Maganu elto batidhanno gede cubbo loonsoommo gedeenni hee'no? Dee'ni! Ninke cubbuwiinni reyinohu gede baxxine hee'noommori, galagalle cubbu ledo hiitto ikkine hee'neemmo?

Mittu manchira borojje ikkitine hajajantiniro, hakkunni hajajantinannisi manchi borojje ikkitinannita diaffinoonni? Cubboho hajajantiniro reyo abbanno cubbira borojje ikkitinanni; Maganoho hajajama kayinni keeraanchimma abbitanno'ne.

Ki'ne alba cubbu borojjeeti; xa kayinni adhitinoonni rosira wo'mu wodaninni hajajantinoonni daafira Maganoho galatu iillosi. Cubbu borojjimmanni wolaphitine keeraanchimmate borojje ikkitinoonni.