Popular Bible Verses from FULO 7

Share

Kaaliiqi Musera, «Ani ate Ferioonira Maganu gedeeha assoommohe; rodiikki Aarooni atera himanaancho ikke coyi'ranno.

Ikkollana ani Feriooni wodana dilleesseemmo; kunninni kainohunni Gibitsete gobbara aye geeshshi maalale asseennano, yitinannire dimacciishshanno; hakkunni gedensaanni, Gibitsete gobbara lowo qarra abbe manna'ya Israeele hakkiinni haa're fushsheemmo.

Kunni garinni hanqunnita anga'ya aanansa kayise Israeele insa gobbanni fushsheemmo yannara, Gibitsootu ani Kaaliiqa ikkoommota affanno» yiisi.

Hakkunni gedensaanni, Feriooni hayyoolenna bittannore woshshi; insano bitansanni Aarooni assi gede assitu. Siqquwansa uulla tuggu yannara, soorrante hamaso ikkitu; ikkollana Aarooni siqqicho egemmite guddunsa.

Xa kayinni Kaaliiqi ayimma afatto; kuneeti, ani tenne siqqonni Abbayi Waa ganeemmo; wayino mundeete soorramanno.

«Feriooni, ‹Ewelumma'ne afeemmo gede hanni maalale assitine leellishshe"e› yii'nero, Aarooni siqqosi Ferioonira albaanni tugona; hatte yannara siqqo hamashsho ikkitanno» yiinsa. Kunnira, Musenna Aarooni Feriooniwa marte Kaaliiqi hajajinonsa gede assitu; Aarooni siqqo Feriooninna ledosi gashshaano albaanni tuganno woyite hamashsho ikkitu.