Popular Bible Verses from FULO 32

Share

Muse ilaalu aana keeshshita mannu Aarooniwa shiqe, «Hakku Gibitsetenni fushshinkehu Muse maikkinoro dianfoommona, ka'e albaanni ha'ranno magano seekkinke» yitusi.

Kaaliiqi Musera, «Gibitsetenni fushshittohu mannikki cubbo loose aneno agurinona rakke dirri. Ani hajajoommonsa doogowiinni hakkawoyintenni agurte fulte, daashshine seekkinoonnita siitu misile seekkidhe magansidhino; kakkalono shiqishshe, ‹Israeele, kuni Gibitsete gobbanni fushshe abbinonke maganooti?› yitino.

Hakkunni gedensaanni, Aarooni siitu misilera albaanni qole kakkalote darga seekke, «Ga'a Kaaliiqi ayyaanaati» yee lallawi. Layinki soodo gutte ka'e, shilqonnitanna mittimmate kakkalo shiqishshu. Mannuno ofolle itihunna agihu gedensaanni sirbaho kai.

Muse layinki barra kae mannaho, «Ki'ne lowo cubbo loossinoonnina, miteekke eegama'ya lae cubbo'ne agurannoha ikkiro, hanni ani kayinni galagale ilaala Kaaliiqiwa mareemmo» yiinsa.