Popular Bible Verses from EFESOONI SOKKA 4

Share

Mimmiti'nera shaqqaddanna shooshaqoota ikke; Maganu Kiristoosinni cubbo'ne agurino'nente gede, ki'neno mimmiti'ne sao agurre.

Wo'manka woyite jooguulle, shaqqaddanna cincaaleeyye ikke; mimmito'ne baxillunni duqqe!

Afii'nenni bushu coyi fuloonke. Wole manna hasiisinonsa garinni dhaawatenna macciishshitannorira qiniite ikkanno gede dancha coye coyidhe.

Qaraaro, aara, hanqo, gibbo, hemenna bunshe baala ki'newiinni hunne.

Hanqitiniro, cubbo loossinoonte. Hanqitine heedhineenna arrishsho e'oonke. Sheexaanehono faro uyitinoonte.

Xagarrote yortonni doofaartinota albita akkala mannimma ki'newiinni fushshitine hooltinanni gede rosiinsoonni'ne. Wodani'nenna hedo'ne haaroo'mito. Magano lawate kalaqantinota, halaalaancho qullaawanna keeraanchimmannita haaro mannimma uddidhe.

Maganu Ayyaani aanno keerinni mitteenni usurantine mittimma agadhate jawaatte.

Isi mito mito soqqamaasine, woloota himanaano, mito mito Dancha Duduwo kultannore, woloota qole ammanaano allaaltannorenna gamisoota rosiisaano ikkitanno gede assino. Hatto assinohuno, Maganu manna soqqanshote qixxeesseenna, bisosi ikkitinori dhaawantanno gedeeti. Kuni ikkannohu, Maganu Beetto egennatenni, amma'natenni afi'nanni mittimmawa iilline, Kiristoosi guutanna wo'ma ikkinonte gede, ninke baalunku wo'ma manna ikkinammo geeshshaati.

Kunni ka'a mannu awaawurshinninna xagarrotenni, so'rote bubbenna dambalu ka'anna kawa shafanna gatantarranni qaaqquullu gedeere ikkinoonke. Hatteentenni, halaale baxillunni amandanni umo ikkinoha Kiristoosa lawate baalunku coyinni lophino.