Popular Bible Verses from UMI QORONTOOSI 2

Share

Ikkollana, «Ille la'inokkiha, macca macciishshitinokkiha, mannu wodani hedinokkiha, Maganu baxxannosirira qixxeessino» yine borreessinoonni.

Ayyaana afi'rinokki manchi kayinni, tenne gowwimmate kiiranno daafira Maganu Ayyaani aanno elto adha didandaanno. Maganu Ayyaaninni xiinxallinanni coye ikkino daafira, buuxa didandaanno.

Maganu go'lino coye Ayyaanisinni leellishinonke. Ayyaanu, Maganu giddo noori baalu gatikkinni qonqolche afanno.

Maganu uyinonke coye baala anfeemmo gede, adhinoommohu Maganu Ayyaanaati ikkinnina tenne gobbaha di"ikkino.

Sokka'yanna kuloommo qaali, Maganu Ayyaani wolqa leellishshinoeho ikkinnina busulsi're mannu hayyonni coyi'reemmoha di"ikkino. Hatto ikkinohuno, ammana'ne mannu egenno aana ikkikkinni, Maganu wolqa aana xintantinota ikkitanno gedeeti.