Popular Bible Verses from UMI QORONTOOSI 13

Share

Baxillu cincanno; baxillu elanno; baxillu dihinaasanno; baxillu dinaaxxanno; baxillu diboo'nanno. Baxillu seerimale gede di"ikkanno; baxillu umisire diroorsi'ranno; baxillu dicaaccaawanno; baxillu koma dikiiranno.

Baxillu baalankare cincanno; baalanka addaxxanno; baalanka hexxanno; dargasi diaguranno.

Baxillu halaalu coyira hagiidhanno; bunshete coyira dihagiidhanno.

Kunnira ammana, hexxonna baxillu sasunku darginni milli yitukkinni heedhanno. Ikkollana, kuri sasunku giddo rooru baxilleho.

Baxillu geedonniho. Himanuno yannate geeshshaati; haaru afiinni coyi'rano gattanno; egennono sa'anno.

Mannu afiinni woy sokkaasinennihunni coyi'ra danduummoro, baxillu hoogiero kayinni, luulanno siwiilinna qili yaanno bilbili gedeeti.

Himana coyi'rummoro, go'lino coye afeemmoha ikkummorono, egenno baala heedhuerono, ilaalla darginni kayissanno geeshshi ammana heedhuerono, baxillu hoogiero kayinni haafaho.

Afi'roommore gudise buxanete beehummoronna biso'ya giirate ee agurummorono, baxillu hoogiero kayinni mittoreno diledannoe.

Anje noommo yannara oosichi gede coyi'roommo; oosichi hedanno gede hedoommo; oosichi xiinxallanno geeshsha xiinxalleemmo. Jawoo'mummoti, oosichimma'ya facci asse aguroommo.