Popular Bible Verses from UMI QORONTOOSI 12

Share

Mittu mittunkura Qullaawu Ayyaani xawishsha uyinannihu wo'munku qiniitiraati.

Ki'neno Kiristoosi manninateeti; mitti mitti'ne manninatisi bisooti.

Manninatu giddonni mittu bisi dhiwamiro, wolu bisi gudisame dhiwamanno. Mittu bisi ayirrinye afi'riro, wolu bisi qole hattennenni hagiidhanno.

Qullaawu Ayyaani mitoho coye coyi'rate hayyo aanno. Hakko Ayyaaninni, mitoho egenno giddo afidhino sokka aanno. Hakko Ayyaaninni mitoho ammana, mitoho hursate wolqa, mitoho maalale loosate wolqa, woleho qole himana, woleho ayyaanna bade afate egenno, mitoho haaru afiinni coyi'rate dandaa, woleho addi addi afiinni coyi'noonni coye tire kulate dandaa aanno.

Konne baala assannohu hakku mittu Ayyaani, mittu mittunkura afansha hedino garinni aanno.

Hatto assinohu, manninatu mereero babbadooshshu hee'rikkinni, ku'u bisi ko'onne mararanno gede hedeeti.

Addi addihu Qullaawu Ayyaani afanshi no. Qullaawu Ayyaani kayinni mittoho. Addi addi soqqansho no; soqqammanni Mootichi kayinni mittoho. Soqqammanni gari babbaxxinoho; baalanka looso wo'munku manni giddo loosanno Magani kayinni mittoho.

Kunnira, Maganu balaxe beetekiristaanete mito mito soqqamaasine, layinkita himanaano, sayikkita rosiisaano asse worino. Hakkiinni aanche, maalale loossannore, hursate wolqa afidhinore, manna kaa'litannore, gashshaanonna haaru afiinni coyidhannore worino.

Mannimma addi addi bisinni ikkinnina, mittu bisi callunni dikalaqantino.

Mullare lawanno bisi baalu, wolunni roore hasiisanno.

Manninatu gudisame ille calla ikkoommero, mayinni macciishshinanni? Manninatu baalu macca calla ikkoommero, mayinni ulantanni? Maganu kayinni mitto mittonka biso manninatu giddo hasiisanno darga amade hee'ranno gede assino. Baalunku mitto biso calla ikkoommero, manninatu hiikko hee'ranno?