Popular Bible Verses from MACAAFA FAARFANNAA 139

Share

isa ati guddaa dinqisiisaa gootee na uumteef, ani galata siif nan galcha; gochaan kee waanuma raajii ti, anis kana ba'eessa godhee nan beeka.

Qorii na ilaali, yaa Waaqayyo, garaa koos beeki! Na fonqolchi, yaada koos beeki! Karaa nama miidhu irra bu'een jira yoo ta'e ilaali, karaa bara baraan jiraatu irra na geessi*!

Keessa namummaa koo situ uume, gadameessa haadha koo keessatti situ na tolche

Nama ta'uun koo utuu hin beekamin iji kee na arge, dhaladhee barri jireenya koo lakkaa'amuu utuu hin jalqabin, guyyoonni anaaf yaadaman guutummaatti macaafa kee keessatti caafaman*.

Yaa Waaqayyo, ati qortee na ilaalteetta, na beektas*!

Hafuura kee duraa eessa nan dhaqa>> Fuula kee duraas eessatti nan baqadha>>

Taa'uu koo fi ijaajjuu koo in beekta, fagoodhaas yaada koo in hubatta.

Utuma dubbiin afaan kootii hin ba'in, isa ani jechuuf ture hundumaa ati dur illee beekte, yaa Waaqayyo!

Ka'ee adeemuu koo fi ciisuu koos gargar in baafatta, karaa jireenya koo hundumaas keessa in beekta.