Popular Bible Verses from Macaafa Miikiyaas Raajichaa 4

Share

Sabni warri kaan hundinuu adduma addaan maqaa waaqayyolii isaaniitiin in deddeebi'u; nuyi garuu yeroo hundumaa bara baraan maqaa Waaqayyo keenya gooftichaatiin in deddeebina.

Sabni lafa irraas baay'atanii in dhufu; Xiyoon keessaa seerri, Yerusaalem keessaas dubbiin Waaqayyoo waan ba'uuf, <<Karaa isaa akka inni nu barsiisuuf, nus daandii isaa irra akka adeemnuuf, kottaa gara tulluu mana Waaqayyootti, gara mana Waaqayyoo isa kan Yaaqoobitti ol in baanaa!>> in jedhu.

Bara booddeetti tulluun manni Waaqayyoo irra jiru, tulloota hundumaa keessaa akka isa caaluutti jabaatee in dhaabata; gaarota hundumaa gara irraatti ol in ka'a; sabni hundinuus gara isaatti in yaa'u.

Inni saba baay'ee gidduutti firdii in kenna, saba jajjaboo fagoo jiraataniifis murtoo in godha; isaan billaa isaanii maarashaa eeboo isaaniis isa ittiin muka qeexxa'an in tumsiifatu; egaa sabni sabatti billaa hin luqqifatu, isaan deebi'aniis lola hin baran*.