Popular Bible Verses from Macaafa Lallabaa 7

Share

aariin bobaa gowwootaa jala waan boqotuuf, ati daftee hin aarin!

Namni wanta isa booddeedhaan ta'uuf jiru hin beeku; kanaafis ati bara gaariitti gammadi! Barri hamaan yoo dhufe immoo, Waaqayyo isa kana, isa sanas akka uume yaadadhu*!

jalqaba gaarii irra, dhuma gaarii wayya; nama of korsu irra, nama obsu wayya

haa ta'u iyyuu malee, namni qajeelaan yeroo hundumaa wanta gaarii hojjetu, cubbuus kan hin hojjenne lafa irra hin jiru*.

akkuma horiin nama golgu, akkasuma ogummaan nama in golgiti; caalaatti immoo ogummaan jireenya warra ishee argatanii nagaatti in eegdi*.

Urgooftuu gaarii irra, maqaa gaarii wayya; guyyaa dhalatan irra, guyyaa du'an wayya*

faarfannaa warra gowwootaa dhaggeeffachuu irra, ifata nama ogeessaa dhaggeeffachuu wayya

mana cidhaa dhaquu mannaa, mana gaddaa dhaquu wayya; duuni dhuma nama hundumaa ti, warri jiranis garaa isaaniitti isa in yaadatu

garaan warra ogeessaa mana gaddaa jira, garaan warra gowwootaa garuu mana gammachuu jira