Popular Bible Verses from Macaafa Moototaa Isa Lammaffaa 2

Share

Bishaanicha erga ce'anii Eliyaas, Elsaa'iidhaan,<<Utuun si duraa hin fudhatamin, wanta ani siif gochuu danda'u anatti himadhu!>> jedhe; Elsaa'in immoo deebisee,<<Hadaraa, hafuura kee keessaa harka lama akkan argadhu anaaf godhi!>> jedhe*.

Utuu isaan walii wajjin haasa'aa adeemuutti jiranii, konkolaataan ibiddaa fardeen ibiddaa wajjin dhufanii, isaan lamaan gargar in baasan; yommus Eliyaas qilleensa jabaadhaan gara waaqaatti ol in sokke*.

Eliyaas immoo,<<Kana gaaffii cimaa gaafatte; haa ta'u iyyuu malee, yommuun si duraa fudhatamu yoo na argite, siif in ta'a; yoo kanaa'achii garuu siif hin ta'u>> jedheen.

Wayyicha isa Eliyaas irraa bu'e sana fuudhee,<<Gooftichi meerre ree>> Waaqayyo inni kan Eliyaas meerre ree?>> jedhee, innis immoo bishaanicha ittiin in rukute; yommuu inni bishaanicha rukutetti, bishaanichi garasii fi garanatti in hirame; Elsaa'inis in ce'e*.

Elsaa'in isa argee,<<Yaa abbaa ko! Yaa abbaa ko! Yaa isa konkolaattota Israa'el taate, yaa isa abboota fardeenii Israa'el taate>> jedhee in iyye; ergasii Elsaa'in deebi'ee isa hin argine; gadda irraa kan ka'es uffata isaa iddoo lamatti of irratti in tarsaase*.

Eliyaas wayyaa isaa of irraa fuudhee, dadachaasee ittiin bishaanicha in rukute; bishaanichis garasii fi garanatti hiramnaan lachanuun isaanii lafa gogaa irra adeemanii ce'an*.

Yeroon Waaqayyo, qilleensa jabaa keessaan Eliyaasin gara waaqaatti ol fudhatu geenyaan Eliyaasii fi Elsaa'in Giilgalii ka'anii karaa irra in adeemu turan.