Popular Bible Verses from Dut Pwøc 18

Share

Wui Wuuö Jwøk, ïïna teek mara, ni ïïna kar gwøk røk kipera, ni beeye ïïni wø piem aani. Ïïna Jwøk mara møn, ni teek mara wø jooda baŋï, ni beeye ï wø kana raa buute. Ï caala kwöt leny naa gëëŋŋï gëëŋŋö ki gïï mo leth, ni beeye ï na pïëmi mara, niï caala kiir kipera mo ogeerø ni teek.

'Ba ï na Jwøk, bäŋ gïn jøøŋŋi ri bëëtö marï, ni luubö marï adïëri; niï bëëdö niï caala kwöt leny jï jiy bëët mo wø kan rege buutï.

Wui Wuuö Jwøk, ï na näk orømø ki pwøc, kany wø kwaa ïïni, a wø putï ka køny ceŋ nyïïmänna.

Wui Wuuö Jwøk, kanya ena yïth gïï mo leth, aana jwöŋö dëërï; aana jwöŋö dëërï møn kiper køny, ï na Jwøk mara, ni ö dwøra ni wïnynyï gø niï ena kar bëëtö marï. Aana jwöŋö kiper køny, ni putï gø wïnynyö møn.

Wui Wuuö Jwøk, beeye ï ni wø cïpi ki tar jïra; ni beeye ï na Jwøa ni wø wiil muudhö mara na tar.

Beeye ï Jwøk ni wø tïïc aani ni teek; ni beeye ï wø tïïc bëëtö mara ni bäŋ gïn jøøŋŋi ree.

Wui Wuuö Jwøk, ï nut niï kwøw møn. Pwøc en jïrï, ï na teek mara; beerra man ö nyeŋŋï ni wïnye, ï na Jwøk ni wø piem aani.