Popular Bible Verses from Wïlöölö 37

Share

Kanyøgø Jocep alägö ki lääk. 'Ba kanya par gø jï uutwänni, män marge ki eni aput kadhø døc.

Kar kaaca Jeekap mëër ki Jocep døc ni kaala wääte møga, kiper mana nywøl gø ni eno nø jalø. Ni mooc gø ka abïï mo mïërö.

'Ba na jooti ya uutwänni ni wääge mëër ki eni ni kaala geni, gena männö ki gø døc, ni bëëtge ni ge ba cäänö ki gø ki met ec.

Køøre ena cäŋ lägö ki lääk mør, ni par gø jï uutwänni, ni kööe, «Aani nø, aana cäŋ lägö ki lääk mør. Kanya läga nëëni kere cäŋ ki dwääy ki ceer apaar kurciel wïthge ege kuul piny nyïma.»

Ni ö uutwänni ni päŋ cwïnyge ki keec ki eni. 'Ba wänni luummögø akan cwïnye.

Ni ö eni ni kööe jïge, ni «Wïnynyu lääga läga ki gø. Kanya läga nëëni kere øøni nø, ø ena yi pwödhö ni ø töö ka acook abäy, ni ö acooŋa mara ni cuŋŋe, ni ö mou ni cooŋge rege lak mara ni kuulge wïthge piny nyïm acooŋ abäy mara.»

Ööu nø nee eni nääø ni leeŋø gø yi buur jaak, ni caanø gø ni kööø ni ena cam lääyi mør mo owär; køøre nø nee lääk moe neenø mano tïmge nidïï.»

Kanya pöönh jø Midienni ki buutge, geni Jocep apëëge wøk ki yi buur, ni putge gø gath ki jø tuuŋ Icmiel ki gwel ma pïërariiø, ni ö jø tuuŋ Icmielli ni kïthge Jocep Ijep.

Ni cäänge yaakicge keerge ni köge, ni «Ŋat lääk aöö ice.

'Ba kanya jootge Jocep ni kare poot bäär mëëth ki geni, ni eni poot kär pïï buutge, gena cuuŋö yïthakicge keerge ki man 'näkge gø.

Ni cäŋ Rubenni köö jïge, «Kär remme kønynyu piny. Beerra man leeŋu gø yi buur man dï paap kany, 'ba kär dee ŋat gut gø ki cere.» Gïnögø acaane ni eni gwøga gø ceŋge kiper nee eni dwøk baŋ wänni.