Popular Bible Verses from 1 തെസ്‌ലോനിക്ക്യക്കാറാര് 4

Share

പ്‌റ ഉജുറോഡെ ഇര്‌ക്ക ണമ്മ ആണ്ടവാന ബാനാത്തിലി കാണ്യ ഉജുറെ്ന്തവാര്‌ദൊപ്പ ബാന മഞ്ച്‌മേലെ പോയില. ഇച്ചെ ണമ്മ ആണ്ടവാന്‌ദ് ഒപ്പ എപ്പേക്ക്‌മ് ഇര്‌ക്കില.

ആണ്ടവാ് അമ്‌സത്തോഡെ സൊല്ലുറ കല്‌പനോഡേമ്, മുക്ക്യമാന ദൂദാ് ബ്‌ഡ്‌റ ജദ്ദത്തോഡേമ്, സാമിദ് കൊമ്പൂത്തോഡേമ് മേലോഗാത്തിലിര്‌ന്ത് ഇ്റാങ്കി ബരുവാ്. അക്കുളെ ക്‌റ്‌സ്‌ത്ത്‌ണ ണമ്പി സത്തവാര്‌ഗ മുദ ഉജുറേ്ഗാമ് സെയ്‌വാര്.

സാമിക്ക് പ്‌ഡിത്ത കാര്യ എങ്കാദൊ, ണിമ്മ സുത്താപ്പോഡെ പെ്ളേക്കാദ്‌ത്തെ. ണിമ്മ കാമാക്ക് അഡിപട്ട് കണ്ടപഡിക്ക് ണഡാക്കാദ്‌ണ തള്ള്യെക്കി. സാമിന തെര്യാത്ത എഗുദാര് അല്ലാത്ത ജാദിഗാത്തെ കാമാക്ക് അഡിപട്ട് കണ്ടപഡിക്ക് പെ്ളേക്കാദ്. ആന ണിമ്മ അയ്യി ദിന്‌സിലി പെ്ളേക്ക്യ പാങ്കില്ലെ. ണിമ്മ ഒരൊരു ആള്‌ഗാമ് മാനമര്യാദ്യോഡേമ് സുത്താപ്പോഡേമ് പെ്ളേത്ത് അവാനവാന സൂസാരിത്ത് ബെക്കാദ് എച്ചെന്ത് പഡിത്തിര്‌ക്കുഡൊ.

എന്ത്‌ക്കെന്റ് സൊന്ന ഏസു സാഗാമ് സെയ്‌ദാ് ഉജുറേ്ഗാമ് സെയ്‌ദാ് എന്ത് ണമ്മ ണമ്പ്‌റാമ്. അച്ചെ സാമി സത്ത് പോനവാര്‌ണാമ് ഏസുണ ബെത്ത് ഉജുറേ്ത്തി ഏസു തിലിമ്പി ബര്‌ഗാട്ടി അവാന്‌ദൊപ്പ ബര്‌സുവാ് എന്ത് ണെഞ്ചഡെ ബെത്തിര്‌ക്കാമ്.

എമ്മ ണിമാക്ക് സൊല്ലി തന്ത പാസെ അഡ്‌ത്തവാര്‌ണ ണിമ്മ തൊന്തറെ പഡ്‌സാദേമ്, അഡ്‌ത്തവാര്‌ദ് കാര്യാക്ക് തലെ ഇക്കാദേമ് ഇര്‌ക്കുഡൊ. അദ്‌താനെമല്ല, അവാനവാ് കയ്യാലെ പാഡ്‌പട്ട് തിങ്കാദ്‌മ് ആയിര്‌ക്കുഡൊ ണിമ്മ്‌ദ് മ്‌ഗ്‌ന്ത ആസെ.

സാമി ണമാണ ഒളേത്തിര്‌ക്കാദ് കേ്ഡ്‌ഗെ്ട്ട് പെ്ളേക്ക്യാല്ല, സുത്താപ്പുള്ളവാരായി പെ്ളേക്ക്യാത്തെ.