Popular Bible Verses from EFESUS 5

Share

Kir kinebe Ar Allah akburi iliti kunik mende ma, eti paga nen kir Ar Allah obabur eka ndak-ndak eku dogoni o. Ar Kristus ninakba karige kwak, kir kinebe nakba kakba akla dogoni o. Ar Ebe nir ninake waruak nen yiluk wogoragage eti, obari pano mende Ar Allah akla pano adeknggen erogo birige.

Eta ma, an nobabur nenggerogon agarik yiluk panorogo mbenagago dogoni o. Akuni iniliti apir mende nen erir letagwi ndak-ndak erir lagu dogogup o. Akuni iniliti werek mende nen erir lektagwi kwak, erir lagu dogoni o. O yogondak ya, maduk adik-adik waganem ma, o telek pano ya an nake yarir taga yiluk, mor ekdatalok dogoni o.

Anggur amburu nunggwi paga maduk ekinaburakma, anggur amburu naurak maga o. Ar Roh Allah nen kinobarne ekinaka dogowak nen yiluk eku dogoni o. Kinane paga yugu dogolir, ndai wene mbugur wakwi, wogokdurak ndai wakwi, mbogor paga ndai wakwi, eku dogoni o. Yi ekwi ndik ekwi eku dogolir, dinggaga kukbaga, Ar Allah Ninombae wa yiluk, Ar Tuhan Yesus Kristus endaga mbalogo, ebe keyagi wakwi mondok dogoni o.

Kiniliti apir atuk dogogup o. Ar Allah iliti wadok mende mbenak biluk dogoni o.

Kristus akburi jemaat inakba nen, inake waruwak nen yiluk wogoragage kwak, ap nen agwe iliti kunik dogorak o.

Kir alep o amun akla welagagup mende, yogondak Tuhan akburi agagutik nen kinebe Ar akbinak akla arar werek o. Eti ar ma, kir nen akbinak paga dogolir erir lagu dogoni o.

Kir nen Kristus oba um palek dogolir, tebe yiluk napma kapma dogoni o.

Ar Tuhan apma tebe yiluk dogu kwak, kumi ap waganek mende, kir nen kinaguni inapma tebe yiluk dogorak o.

Wene ebe ugu kinoba kinake kunik werek o. Ir ap nen inebe iniliti kunik kwak, inakburi iniliti kunik dogorak o. Ir kumi nen inaguni inalon palogo, inapma tebe yiluk dogorak o.

Etiar ma, Alkitab mbalek paga nen yegerogo mbalek, “Eterogo ma, ap nen agwiya ombae dambek dalok, agwe imbirak dambulik dogogin o. Nen ir inebe imbirak ambiar arugun o.”

Kir akuni inobabur o amun mo dogolir erir taga mende etoma obogar, kinamborna mbo bini o. (