Popular Bible Verses from 2 KORINTUS 9

Share

Ar Allah obarne ambikma, Ar nen kinamende ambik erogo wokeragin o, kir kinake ndugurik mondok dogowak nen yiluk kinamende ambi erogo wokeramo, kir nen akuni inamendek dek kalok wogoragwi, pano erinakwi, erubagik nen yiluk yorkeragi o.

Akuni inebe inadikndak iniliti adeknggen paga nen burak. Ar a'ir kigik, akuni inane obarne paga bin yorumo nen burak dek ar o. Akuni iniliti adeknggen paga wogoragunem, Ar Allah iliti adeknggen inoba kunik agarik o.

Wene yi kinilu arni o! Ap ambi aingge bugudagar nduligin kalok, enggen bugudagar mbaligin o. Nen ap ambi aingge ambigar nduligin kalok, enggen nggok ar mbaligin o.

Ar Allah nen ai yaru mende, ai yakwa inake bega, nau mende, nir ninake bega, ekige. Ar nen ai yakop mende ndugurogo bega, enggen ambik erogo bega, kir nen wogorau mende ambigar erogo bega erigin o. Eterogon erumo, kir kinamende ye eru nde eru ambik aga kigik, kiniliti adeknggen paga, akuni wogoragu dogogun o. Kir nen akuni yamak dau mende, nir nen tumburogo wogoramo, ir kodalok nen inane dombok nen Ar Allah wa, yiluk yogwi erugun o.

Nir nen ye mende nde mende ambik kado milogo wokneraga paga, Ar Allah wa, yogu doguwok o!