Popular Bible Verses from ROMA 6

Share

Watu'u papate ko wawal᷊isi u dosa, arawe puwawiahi kahingang dang kakal dingang I Kristus Yesus Mawu ngi kite e'e l᷊aonggo mangkate nionggo u Mawu Ruata kere'e.

Dosa ta wotonge mukawasa si kumu, watu'u i kumu seng ta nuwiahi su l᷊al᷊ung u atorang u agama Yahudi kateho su l᷊al᷊ung u kakindaghi u Mawu Ruata.

Dingang u pusasahani e'e, i kite nil᷊uwing dingang I Kristus dang nate singkapate ringang-E, tadeau kerewe I Kristus nipuwiahi bou papate watu'u kawasa I Yamang ko mawantughi, kere l᷊ai i kite makal᷊al᷊eng su l᷊al᷊ung u puwawiahi ko wuhu.

Kumbahang l᷊ai i kumu manarakang u bahageang badangu su kawasa ngu dosa tadeau pakipake guna ngu manga pandung ko dal᷊ai. Kateho sarakangte watangengu su Mawu Ruata kere taumata ko seng nil᷊iu bou papate sarang puwawiahi. Sarakangte kal᷊abo u watangengu su Mawu Ruata tadeau ipake guna ngu pukoa kao u Mawu Ruata.

Kite matitong himoneu tabieti kite tuwei kere taumata seng nipakapate dingang I Kristus su kau salipi tadeau kawasa tabieti kite ko bardosa e'e nirusae, dingang kere'e i kite ta l᷊ai iputahul᷊ang u dosa.

I kumu l᷊ai mambeng mupundang u watangengu nate bou hal᷊i u dosa. Kateho nuwiahi su l᷊al᷊ung u pukakauhi ko matoghasi dingang u Mawu Ruata su l᷊al᷊ung I Kristus Yesus.

Boko kere'e, apawe ko botonge ihabari kite? Harusi i kite turusi mukoa dosa tadeau Mawu Ruata manamba kumindaghi i kite? Tantu ta! Dosa seng ta sau mukawasa si kite, inau seng tumaniu i kite mang turusi muwiahi dingang mukoa dosa?

I kumu matitong himoneu boko i kumu manarakang u watangeng i kumu su singkatau tadeau pukoa kaoe kuteu i kumu e'e ko l᷊ang u taumata ko nituhukang i kumu e'e – apa l᷊ang u dosa ko numbawa si kumu sarang papate, arako l᷊ang ko matuhu su Mawu Ruata dang dingang kere'e sau napia dingang u Mawu Ruata.

Kateho tarima kase su Mawu Ruata watu'u horo i kumu nakoa l᷊ang u dosa, arawe orasi i'i dingang napene u naung i kumu nutumuhu tatintiro kahingang ko seng nionggo si kumu. I kumu seng nipakal᷊iu bou dosa, dang su orasi i'i seng nakoa l᷊ang su kao u Mawu Ruata.