Popular Bible Verses from ROMA 5

Share

Arawe Mawu Ruata nul᷊ahe u kakindaghi-E si kite su tempo ngi Kristus nate guna ngi kite su tempo ngi kite mborong taumata bardosa.

Pul᷊aharapi ko kiri'i ta makasusa naung i kite. Watu'u naung i kite seng nitahonang u Mawu dingang u kakindaghi-E. Mawu Ruata mukoa e'e, bou Roh-E, ko seng nionggo si kite.

Dang nangilembo bou e'e i kite l᷊ai l᷊umiaghi su l᷊al᷊ung singsara, watu'u i kite matitong himoneu singsara makakoa taumata mariadi masatia, Dang kasasatia makakoa taumata makakuhirang; ko i'i makakoa pul᷊aharapi.

Su orasi i'i i kite seng sau mapia dingang u Mawu Ruata, watu'u i kite mangimang. Dang watu'u e'e i kite muwiahi su l᷊al᷊ung u purarame dingang u Mawu Ruata su l᷊al᷊ung u Mawu ngi kite Yesus Kristus. Watu'u i kite mangimang si Yesus, kuteu i sie makapukoa i kite makapundang kakindaghi u Mawu Ruata, dang dingang u kakindaghie e'e i kite muwiahi orasi i'i. Watu'u e'e naung i kite masanang watu'u i kite pia pul᷊aharapi ko i kite sarung makatemang kal᷊al᷊uasi ko ionggo u Mawu Ruata!

Su tempo i kite ta makakoa apa-apa, I Kristus nate guna ngi kite su tempo natumang ko nitantu Mawu Ruata, sumbal᷊i i kite manga taumata ko marau ngu Mawu Ruata.

I'i i kite seng sau mapia dingang u Mawu Ruata bou kapapate ngi Kristus; watu'u e'e seng nal᷊ahe l᷊ai i kite sarung ipakasal᷊amati bou wawal᷊uang u Mawu Ruata ual᷊ing I Kristus.

Dang kere maul᷊i taumata bardosa watu'u taumata singkatau ko ta nutumuhu, kere'e l᷊ai maul᷊i taumata sau napia dingang u Mawu Ruata watu'u taumata singkatau ko nutumuhu su Mawu Ruata.

Dang napal᷊iu bou e'e i kite mang l᷊ai mal᷊uasi watu'u kapia ngu Mawu Ruata su l᷊al᷊ung Mawu ngi kite I Yesus Kristus, watu'u I Kristus, i'i i kite nakapundang pukakauhang i kite ko mapia e'e dingang u Mawu Ruata.