Popular Bible Verses from रोमि 3

Share

बाक्याकि सबोय लोकुरक पाप किसुन परमेस्वरना महिमाता योग्य मनोर आतुरक, मति परमेस्वरना दयाते येसु मसिना द्वारा पापता बन्दनताल लेहचिस फुकोटते पुटता उन्दि बकसिस लेहका माकुन परमेस्वरना मुने येताना योग्य ठहरे किन्तोर।

सबोय विस्वासि लोकुरक साटि येसु मसिनिगा विस्वासता द्वारा परमेस्वरना दारमिकता बिना भेदभावते दिसता।

परमेस्वर मावा पापता गुना निहान साटि येसु मसिन दुनियातिगा लोहतुर। ओर मावा पापताल पिसहान साटि नतुर हिस बलिदान आतुर। अनि ओर मावा साटि नतुर हिस बलिदान आतुर इन्जोर माक विस्वास कियाकाट ते ओर मावा पापतुन मापि किस परमेस्वरना मुने येतानाता योग्य बनेकिन्तोर। अनि आपुना स्वभावते ओर लोकुरक मुने किता पापतुन दन्ड हेवाय तासिस पापि लोकुरकुन मापि किस परमेस्वर आपुना दारमिकता तोहान्तोर, येसु मसिनिगा बोर विस्वास किन्तोरक ओरकुन वने आपुना मुने येताना योग्य बनेमायान साटि इद काळते परमेस्वर आपुना धर्मिकता तोहाना साटि इदाम कितुर।

इन्जोर मूसाना नियमता बुतोता कारण बोरे मानेय परमेस्वरना मुने येताना योग्य आय परोर मति मूसाना नियमता द्वारा आपुना पापता बारेते बराबर समजेमायनुर।

पवित्र पुस्तकतिगा इदाम कोटता मन्ता: “बोरे परमेस्वरना मुने येताना योग्य हिलेर वरोर वने हिलेर; खरोय बाताल मन्ता इन्जोर बोरे समजेमायोर, परमेस्वरतुन पळकवाल वने बोरे हिलेर। सबोय लोकुरक परमेस्वरताल लेसकतोरक सबोय लोकुरक बेकार आतोरक बोरे भला केवाल हिलेरक, वरोर वने हिलेरक।”

इन्जोर बोरायि मानेय मूसाना नियमता बुतोता अनुसार आयो मति विस्वासता द्वाराय परमेस्वरना मुने येताना योग्य बनेमाय परान्तोरक इन्जोर पका मन्ता।

ओना बारेते “बोन निमा आपुना पोल्लोते परमेस्वरना मुने येताना योग्य ठहरे मायाना अनि निया न्याय कियान बेरा निमा विजयि आयकि” इन्जोर पवित्र पुस्तकतिगा कोटता लेहका परमेस्वर विस्वास योग्य मन्तोर। मति सबोय लोकुरक खोटाल वळकवालोर मन्तोरक।