Popular Bible Verses from रोमि 13

Share

मति बदाम प्रबु येसु मसिना जिवन मता अदामे जिवन निमाट वने जिवेमाम्ट। अनि आपुना मेन्दुलता पाप स्वभावता इच्चातुन पुरा कियाना कोसिस केमाट।

निमाट वरोर दुसरोनासंग बोदायि पोल्लोते करजदार आयमाट मति केवल मया कियानातिगा करजदार बनेमाम्ट। बोर दुसरोन मया किन्तोर ओरे परमेस्वरना सबोय नियमता पालन किन्तोर।

सबोय विस्वासि लोकुरक आपुना सरकारता मुक्य अदिकारिना अधिनते मन्दिला पहाजे बाक्याकि ओर अदिकारिलोकुरकुन परमेस्वरे अदिकार हितोर। सबोय अदिकार परमेस्वरनिकेडाले मन्ता अनि ओरकुन परमेस्वरे आचतोर।

इदेक नरका मारार अनि दरोजता दियाता ओद वेळिचि पसियवाल मन्ता इन्जोर पापता अन्दकारतिगा लोकुरक बोद खराब बुतो किन्तोरक ओव सबोयतुन माक तासियाला पहाजे। अनि बदाम वरोर सयनिक हत्यार पयस तयार मन्तोर अदामे माक वने खराब बुतोता विरुद दियाता वेळिचितिगा सोबाय बुतो कियान साटि तयार मन्दिला पहाजे।

दुसरोन मया किन्तोर ओर आपुना गोतियान खराब बसकेय केवोर। इन्जोर मया कियाना मन्जे परमेस्वरना सबोय नियमता पालन कियाना मन्ता।

अनि ओरक अदिकारिलोकुरकुन बोद हियाना मन्ता ओद हिम्ट। बोन टाक्स हियाना मन्ता ओन टाक्स हिम्ट, बोन महसुल हियाना मन्ता ओन महसुल हिम्ट, बोन वरियाना मन्ता ओन वरियाट बोना आदर कियाला पहाजे ओना आदर किम्ट।