Popular Bible Verses from Uswe 1

Share

Amatangi gugat ku suguan emu: maksvni tua ay maseganamai. Lag o kalimu ay kamomuy aroro au, Yawi am Dius, tagufud emu nusnga nday ban o.”

Lag o kalyam gtap Dius at Faugali. Amatangani tua gugat kayu menit ay yabi, laman sumaful tuo gfaning fagayu at marirukan sanya. Nu katanya tua ban am fakamulun, umkaksvn tua ban o ay gbabo.

Maksvni tua ay maseganamai. Faningi fia fagayu ku suguan ku nafon sa ku fagsuguan Muisis. Lag o kalyam, laman nusnga setaw am fagnamakamulunun gbabo tuo.

“Wa ban e mababo emu kaduge o gleleg. Gufud kban gugat emu kata nu gufud au Muisis. Kwa ban gubun ay gfabayan emu.

Maksvni tua ay maseganamai, aroro o wan at nanfunan ngay taw, laman ban kanya fagayu magbilug ku nafatuyanan sat ngay mangaguyang fag talun.

Gfon kban sa ayu fagayu ay nadasug fag talun, kata ku nafatuyanan sas Muisis.

“Ku fagsuguan Muisis anbul wan. Nu katanya, katsi, o ay anggan ngay taw Israel falganani, difei Liskung Urdan sa ku fon ban ayu fag talun.

Muisis, Yawi at fagsuguan nu nbul wan, Yawi nalong sas Uswe, Nun at baguama te

Ay fagbanwanan ban gfasigad siginans talun at yud e taw tagsabaliwas siun fag alvngvdan sitsigon sangay buksul Lebanun tagsabaliwas wala, ay siginans Eufrates, kafag liskung daul, sabaliwas fakamenitan sitsigons Dagat Mediteranyu tagsas fakayabian baliwa, ay anggan sa sangay taw Ket at talun.

E gfabul ban nusnga sinu takamabo emu ay at yud gfaning am ngay suguan. Nu katanya, maksvni tua ay maseganamai!”

“Loi sa sangay taw at ngay bale ay nanlong am sa anya fagayu te, ‘Falganani ngay fakonun aroro si bans fatuluk menit, nandife tam Liskung Urdan laman nangagbilug tam Dius at nafon antam fag talun.’ ”