Popular Bible Verses from Fakasigadan 49

Share

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

Use, o ban kata o sik mela fag asnu tagsis tigyangan bulbug ay tagsis tigyangan tangrawan. Ay sik ngay taw ban at ke ngay godun kauri emu, ay kanya ban fagayu gfana emu, at kaksvnan nu kauri.

Ay dewa katanya, anggan ban o, gfana o gugat anya fagayu, ay am ngay take ban mabitsug tua gugat, aroro siginan Akub at Dius at mabalyanan, Israel at tagulit ay at fagsarirungan at gubuk. Ay am ngay mangaguyang ban at Dius ggubuk tua gugat ay gfon sa emu nusnge wain. Ay kanya ban gfadasug yangay sa emu arak siginans kiwang, ay mamam siginan sangay bulbug. Ay gfon ban sa emu ngayuk sisian ay ngayuk fagbaugun.

Uda, am ngay faduksay ban gseg emu ay gsuyu. Ay gbabo ban o am ngay fawayan. Ay kata ban o sik liun at riangan tagrvbvy at fagnangonun, ay kafoli sat bale laman nantungkud, ay we manangasalag anya.

Rubin, o wan at kaka sas fagayu ku sisian. Ay nu kadungug ban o, gtungud tua am ngay arian. Ay kata yangay o sik mamam takuluk aroro wo mafafaragang am ngay fakaylatun. Aroro nafataladan wayo ku mangena fag fagsuguan, wa ban o gtungud am ngay arian.