Popular Bible Verses from Nu Galin 32

Share

Muisis nangaduge nu sis tungud buksul ay ngay taw nanbang gfanya anya nu gtagbung, ay anful sas Arun at daga salubangan ay nalong te, “Agvd, awati sik fagsegan laman kanya tagfangguna antam, aroro watam saful ya te, nataw at kindasug sas Muisis, at nataban antam siginans talun Igiptu.”

Ay Yawi nalong sas Muisis te, “Abanganani tagbungi, aroro am ngay kaiban am nataban siginans talun Igiptu gfakamulun sa angku at mauri. Kanya fagayu masakit kalyam ku ngay suguan, ay nawat sik fagsegan baka riangan, ay gseg anya ay gfon at ngay fanggalangun, ay glong te, ‘Tuy tam dius at nataban antam siginans talun Igiptu.’ ”

Arun nu nalag te, fagayu taw Israel guseganan wan, nafawat sik fagirugan sis salubangan baka ay nalong sa anya fagayu te, “Balabag ban nangaful tam laman nanseg tam Yawi.” Ay nu katanya wan, fagayu taw Israel masurip nu kafulo laman namon at fagirugun fag ngay fanggalangun ay anggan at ngay fanggalangun laman sas fagmanabayanun. Fagayu gfangon ay ginum ay gfauseganan at fagsegan.

Ay balabag di, Muisis nalong sa sangay taw te, “Maksvn ay nafakamulun at mauri ay dewa katanya katsi, gdog kyay nangundaud sas buksul nu inda Yawi, ay tibaginan ro manga, mafafasadi au ayu sa anya laman gfalyam ay ngay asalanan.”