Popular Bible Verses from 1 Krunika 16

Share

Akbangi sas Yawi, ay afanudi te, siginan tua anya fagmabitsugun, ay masadii tua gugat sa anya.

Fauseganani Yawi, aroro kanya matuyan tua, ay nu mafangesug di e fakatabuan.

Fagayu am, fauseganani Yawi, ay darangini sa anya. Ay foyungi yangay sa tibak talun at ngay taw at ngay nafakamulun.

Segi anya, tam Dius at yud e malong. Fagayu am at kinkakbang sas Yawi, useganani tua.

Am, Dius at ngay nafili, ay Akub, Dius at fagsuguan at ngay kasugfunanan, amatangi tua gugat Dius at ngay nafakamulun at madulo, ay at ngay balyawvtan.

Alubadi fauseganani anya, ay longi at ngay nafakamulun at madulo

Yawi mabalyanan, nu katanya, fauseganani anya, ay suyui gtungud yap tua sa tibak fagsegan.

Fauseganani Yawi, at mauseganan ay at matuyan fag famauseganan, ay bubai ngay famonun sat daga salubangan. Segi Yawi, aroro di e malong.

Siwa anya fagmasuyuun ay fagmatuyanun, ay kalag sit bale at fagusegananun ay at fagmasineun.

Ngay taw sas fagdaul daga, alubadi laman sas Yawi. Ay galay menit, foyungi sabaliwa nu gfalangfe antam.

Foyungi sas fagayu talun at taw te, Yawi mabalyanan ay at ngay nafakamulun madulo.

Kanya nalong sa kafag ngay fun te, “Lag am gfaurianan ku nafili fag ngay taw ay ku ngay taglong.”

Ay tibak talun at fagsegan bunwa at matuyan fag dius. Yawi tua at nawat banwa.

Kanya di kalyam at nasadian, at nafatuyanan laman sas fagayu kasugfunanan

Banwa ay fagdaul daga, useganani! Fagayu talun at ngay taw foyungi te, “Yawi tam Fun!”

Kabavn segi Yawi, ngay taw Israel at Dius. Ay fagayu taw nalong te, “Anud! Segi Yawi!”

Fagayu gaban taw sas fagdaul daga, toglagi Yawi. Toglagi anya aroro sat fagmasineun ay sat fagmabalyananun.