Popular Bible Verses from रोमियन 4

Share

अउर अपने बिसुआस माहीं बने रहिगें, अउर परमातिमा के दीन वादा के ऊपर संका नहीं किहिन, बलकिन बिसुआस माहीं अऊ मजबूत होइके परमातिमा के बड़ाई किहिन। अउर उनहीं पूर भरोसा रहा हय, कि परमातिमा जउन वादा किहिन हीं, ऊँ ओही पूर करँइ के खातिर पूरी तरह से समरथी हें।

जइसन पबित्र सास्त्र माहीं लिखा हय, कि “हम तोंहईं खुब जातिअन के आत्मिक पिता ठहराएन हय”, अउर परमातिमा के नजर माहीं अब्राहम हमार पंचन के कुल पिता आहीं, अउर जउने परमातिमा के ऊपर अब्राहम के बिसुआस हय, ऊँ मरेन मनइन काहीं जिआबत हें, जउन बातँय हइअय नहिं आहीं, उनहूँ के नाम अइसन लेत हें, कि मानो ऊँ अबहिनव हईं।

उँइन यीसु हमरे पंचन के अपराधन के खातिर मार डारँइ के खातिर पकड़बाए गें, अउर हमहीं पंचन काहीं परमातिमा के नजर माहीं निरदोस बनामँइ के खातिर मरेन म से पुनि जिआए गें।

अउर अब्राहम खुब निरासा माहीं घलाय, आसा कए परमातिमा के ऊपर बिसुआस किहिन, अउर जउन बचन ऊँ कहिन तय, कि “तोंहार बंस अइसन होई कि तूँ खुब जातिअन के आत्मिक पिता कहइहा।”

एसे इआ साबित होत हय, कि मनई परमातिमा के वादा केबल बिसुआस से पाबत हें, अउर इआ उनखे किरपा से सेंत-मेंत माहीं मिलत हय। इआमेर से परमातिमा के वादा अब्राहम के सगले सन्तानन के खातिर निस्चित हय, न केबल उनखे खातिर जउन मूसा के बिधान के पालन करत हें, बलकिन उनहूँ पंचन के खातिर घलाय आय, जउन अब्राहम कि नाईं बिसुआस रक्खत हें। अउर ईंन अब्राहम हमार पंचन के कुल पिता आहीं।

अउर ऊँ कहत हें, कि ऊँ मनई धन्य हें, जिनखर अधरम माफ होइगे हँय, अउर जिनखर पाप मूँदे गे हँय। अउर जउने मनई काहीं प्रभू कबहूँ पापी नहीं ठहरामँइ उआ मनई धन्य हय।

पबित्र सास्त्र माहीं घलाय लिखा हय, कि “अब्राहम परमातिमा के ऊपर बिसुआस किहिन रहा हय, एहिन से ऊँ परमातिमा के नजर माहीं निरदोस ठहराए गे रहे हँय।”