Popular Bible Verses from रोमियन 13

Share

बलकिन हम पंचे प्रभू यीसु मसीह के सगले सुभाव काहीं अपनाय लेई, अउर अपने मन के बुरी इच्छन काहीं पूर करँइ के कोसिस न करी।

अउर तूँ पंचे आपस माहीं एक दुसरे से प्रेम करँइ के अलाबा, अउर कउनव बात माहीं कोहू के रिनिहा न रहा; काहेकि जे कोऊ दुसरे से प्रेम रक्खत हय, उहय मूसा के बिधान काहीं पूर करत हय।

हरेक मनइन काहीं सरकारी अधिकारिन के बातन काहीं मानँइ चाही; काहेकि परमातिमय उनहीं पंचन काहीं सासन करँइ के अधिकार दिहिन हीं, अउर जेतने अधिकार उनहीं पंचन काहीं मिले हँय, ऊँ सगले परमातिमय के द्वारा दीनगे हँय।

अउर रात बीतिन चुकी हय, अउर दिन निकरइन बाला हय; एसे हम पंचे अँधिआर के बुरे कामन काहीं छोंड़िके, जइसन एकठे सिपाही हँथिआर बाँधे तइआर रहत हय, उहयमेर हमहूँ पंचे उँजिआर के हँथिआर बाँधि लेई।

काहेकि जे कोऊ अपने परोसी से प्रेम रक्खत हय, त उआ ओखर बुराई नहीं करय, एसे दुसरे से प्रेम करब मूसा के बिधान काहीं पूर करँइ कि नाईं हय।

एसे हरेक जन के हक्क चुकाबा करा, जइसन जेही कर देंइ चाही ओही कर द्या, अउर जेही चुंगी नाका माहीं पइसा देंइ चाही, ओही पइसा द्या; अउर जेसे डेराँइ चाही त ओसे डेरा; अउर जेखर मान-सम्मान करँइ चाही, त ओखर मान-सम्मान करा।