Popular Bible Verses from गलातियन 3

Share

पय मसीह जउन हमरे पंचन के खातिर स्रापित बने हें, हमहीं मोल लइके मूसा के बिधान के सराप से छोड़ाइन हीं। जब मसीह क्रूस माहीं लटकाए गें, ऊँ हमरे पाप के सराप काहीं अपने ऊपर लइ लिहिन, काहेकि पबित्र सास्त्र माहीं इआ लिखा हय, कि “जे कोऊ कठबा माहीं लटकाबा जात हय, उआ स्रापित हय।”

अब उनमा से न कोऊ यहूदी रहिगा, अउर न गैरयहूदी, न कोऊ नोकर रहिगा, न अजाद; न कोऊ मंसेरुआ रहिगा, न मेहेरिआ; काहेकि तूँ पंचे सगले जन मसीह यीसु माहीं एक होइ गया हय।

अउर अगर तूँ पंचे मसीह के आह्या, त अब्राहम के बंस अउर परमातिमा के वादा के मुताबिक बारिसदार घलाय आह्या।

मसीह हमहीं पंचन काहीं मूसा के बिधान के सराप से एसे छोड़ाइन, कि जउने अब्राहम के आसीस यीसु मसीह के व्दारा गैरयहूदी लोगन के लघे तक पहुँचय, अउर हम पंचे बिसुआस के व्दारा उआ पबित्र आत्मा काहीं पाई, जउने काहीं देंइ के वादा परमातिमा किहिन हीं।

अब इआ बात स्पस्ट होइगे ही, कि मूसा के बिधान के पालन करँइ के व्दारा कउनव मनई परमातिमा के आँगे निरदोस न ठहरी, काहेकि पबित्र सास्त्र माहीं लिखा हय, “परमातिमा के नजर माहीं निरदोस मनई बिसुआस के कारन जिअत रही।”