Popular Bible Verses from गलातियन 2

Share

अउर हम मसीह के साथ क्रूस माहीं चढ़ाए गए हएन, अउर हम अब से जिन्दा नहीं रहि गएन, बलकिन मसीह हमरे भीतर जिन्दा हें। अउर अब हम देंह माहीं जउन जिन्दा हएन, उआ केबल परमातिमा के लड़िका के ऊपर बिसुआस किहे के कारन जिन्दा हएन, जउन हमसे एतना प्रेम किहिन, कि खुद काहीं हमरे खातिर बलिदान कइ दिहिन हीं।

एसे हम परमातिमा के किरपा काहीं बेकार नहीं ठहराई, काहेकि अगर मूसा के बिधान के पालन करँय के व्दारा, मनई परमातिमा के नजर माहीं निरदोस ठहरत, त मसीह फालतू माहीं आपन प्रान काहे क देतें?

हम पंचे त जन्मय से यहूदी आहेन, अउर मूसा के बिधान के पालन करत आएन हय, हम पंचे ऊँ गैरयहूदी लोगन म से न होहेंन, जिनहीं यहूदी लोग पापी समझत हें। यहूदी लोग इआ मानत रहे हँय, कि मनई मूसा के बिधान के पालन करे से परमातिमा के नजर माहीं निरदोस ठहरत हें। पय अब हम इआ जानित हएन, कि केबल यीसु मसीह के ऊपर बिसुआस करँइ के कारन मनई निरदोस ठहरत हें। एहिन से हमहूँ पंचे घलाय मसीह यीसु के ऊपर बिसुआस किहेन हय, जउने हम मसीह के ऊपर बिसुआस किहे के कारन निरदोस ठहरी। पय मूसा के बिधान के पालन करँय के कारन नहीं, काहेकि कउनव मनई मूसा के बिधान के पालन करँय के कारन, परमातिमा के नजर माहीं निरदोस न ठहराबा जई।