Popular Bible Verses from Rɔm 3

Share

Mba dəwje tɔ̰y ja ꞌɗa neɗa gə kṵra̰y ngaɓa ꞌlal ne rɔnduba lə Luba, ngaa Luba oje gə dəwje gə gadə-gadə ta kəm-e gə gə go mənuji lə-a ye ja, mba Kirisi Jeju gə ta dɔ-je.

gadə-gadə lə Luba gə ɗe gə go takagə Jeju Kirisi le, to mba dəwje gə ꞌta kagə, mba kɔr kəm dəw godo.

ꞌNe gə Luba un-e gə nepolo, ɔji dɔ dəwje gə ꞌta kagə məs-e mba tɔji ne gadə-gadə lə-a. Mba kede ləw ja kara n-ila m-e dɔ mar-ɛ gə lal gangə tar dɔ neɗaje gə kṵra̰y gə lə dəwje, ɓogəne kara n-njigi mba tɔji gadə-gadə lə-a mba to ne gadə-gadə ngaɓa gə mba kar dəw gə ta kagə Jeju nama n-o-ɛ ne gadə-gadə tɔ.

Mba dəw kara ja gə a to gadə-gadə no Luba gə go kila kuji dɔ torondu gə ang, mba torondu le ɔr ta ɗəw ar dəwje ꞌgərə ne neɗa gə kṵra̰y.

Gə go p-ɛ gə ꞌpa mə mbede gə na: Dəw gə gadə-gadə godo, Kara baa be kara godo; Dəw gə nje kəji negərə kara be ja godo, Dəw kara baa be gə nje sangə Luba kara godo. Tɔ̰y ja ꞌndəm, ꞌto neje gə baa ja, Dəw kara gə nje ɗa ne gə may kara godo, Dəw kara baa be kara godo.

Mba sijee j-əji to gə d-o dəw gə dəw gə gadə-gadə gə go takagə, lal kula ɗaje gə gə go torondu.

Be ang baa! May gərə ngadə to gə Luba ɗa ne gə tɔgərɔ, ngaa dəw gə ɗa-ɗa kara to nje ɗəgərə, to gə ꞌɗa ne mə mbede gə na: Mba kar d-o-i ne gə dəw gə gadə-gadə gə go tarje gə ce ta-i gə, ngaɓa gə kar tar uwa-i ne lo gangə tar gə ang.